Fuentes mi-TKO sa kontra; OPBF title nadepensaan na sab
Sunday, September 5, 2010
More Sections
NADEPENSAAN na sab ni Rocky Fuentes ang iyang Oriental and Pacific Boxing Federation flyweight title pinaagi sa 8th round TKO nga kadaugan batok kang Yasuto Aritomi kagahapon sa International Conference Hall sa Nagoya, Japan.
Kini maoy ikaduhang depensa ni Fuentes sa korona nga iyang nasakmit pinaagi sa majority decision nga kadaugan batok kang Masaturi Okubo niadtong Marso ning tuiga.
Have something to report? Tell us in text, photos or videos.
Sa premiro niyang depensa niadtong Hunyo, niposte siya og 11th round TKO nga kadaugan batok kang Shigetaka Ikehara.
Si Fuentes, kinsa maoy no.7 contender sa World Boxing Council (WBC), nisaka sa 27-6-2, 17KOs nga rekord samtang si Aritomi natagak sa 17-2-2, 8KOs.
Sa sayo pa, ang manager ni Fuentes nga si ALA Promotions president Michael Aldeguer misaad nang daan nga hatagan niya’g dakong away si Fuentes sa sunod niining tahas hilabi na karon nga midaog siya.
Nagtuo si Aldeguer nga hinog na kaayo si Fuentes aron makaaway og title ug mao na unya kini ang hinayhinayan nila’g lihok.
Sa undercard, napilde ang laing Pinoy nga si Marjun Yap batok kang Hiromasa Ohashi pinaagi sa desisyon.
