GIHANGOP sa mga residente sa brgy. Apas, siyudad sa Sugbo ang pag-usab sa baruganan ni Gov. Gwen Garcia mahitungod sa mga nagpuyo sa luna sa military reservation nga iya sa Kapitolyo.

Niuyon na ang gobernador nga magpabilin ra ang mga residente sa luna nga gibaruganan sa ilang mga pinuy-anan apan kadtong lang nasakop sa lot B ug C.

Sun.Star accepts donations for victims of Typhoon Ondoy

Apan, si Mayor Tomas Osmeña niingon nga di angay tuohan sa mga lumolupyo ang sulti sa gobernador.

Iyang giakusahan ang gobernador nga nag-andam sa dan alang sa pagdagan sa iyang igsuon nga si GSIS Head Winston Garcia sa pagkamayor.

Ang nagpuyo sa lot A padayong ipa-relocate sa Kapitolyo kay mao ra kini ang nabuwag kay nahimutang sila sa tumoy nga bahin sa military reservation.

“Di gusto si Governor nga mag-scattered maong iyang plano kon di man gani didto sa ilang gi-offer nga relocation, i-compress mi sa lot B ug C,” nagkanayon si Mila Gabini, presidente sa lot A residents Association.

Nalipay usab sa mao nga kalamboan si Apas brgy. Kapitan Ramil Ayuman kay di na usab ma-relocate ang barangay hall, sports complex, health center ug duha ka mga tunghaan kay naa man kini nagbarog sa lot C.

Apan nasubo si Ayuman alang sa mga residente sa lot A maong nagplano siyang makigtigom sa mga residente karong Dominggo aron ilang matun-an ang ilang posibleng mga lakang. (CPL)