Gibiyaan sa asawa, anak, naghikog
Thursday, April 29, 2010
More Sections
GUMIKAN sa kamingaw sa iyang asawa ug mga anak nga wa na niya maabti sa ilang balay, usa ka fruit vendor sa Carbon Public Market sa dakbayan sa Sugbo naghikog sud sa ilang balay kagahapon sa alas 5:30 sa kaadlawon sa barangay Malolos, lungsod sa Barili.
Nagbitay sa ilang sala si Arnil Abasolo, 28, nagpuyo sa maong dapit, patay nang nakaplagan sa iyang ginikanan sa ilang balay.
Have something to report? Tell us in text, photos or videos.
Click here for Election 2010 updates
Si SPO2 Zaldy Urello sa Barili Police station nga gikahinabi sa Sun.Star Superbalita nagkanayon nga ang amahan ni Arnil nga si Vicente maoy nakadiskobre sa iyang anak nga nagbitay sulod sa balay nga naghigot og pisi.
Giingon nga si Vicente natingala nga dunay tsinilas sa gawas sa balay sa iyang anak hinungdan nga iyang gisusi sa pamasin nga dunay tawo ang pinuy-anan.
Apan nasurpresa kini human nakit-ang nagdiwalwal na ang dila sa iyang anak nga wa nay kinabuhi.
Matod ni Urello nga ang amahan nga si Vicente nibutyag nga naabot ang iyang anak mga alas 11 sa miaging gabii.
Gikan kini dinhi sa dakbayan sa Sugbo nga namaligyag prutas sa Carbon.
Sa wa pa ang hitabo, nagkaaway sila sa iyang asawa nga unom ka buwan nga mabdos.
Sa iyang pag-abot sa balay, wa na niya maabti pa ang asawa ug ang ilang duha ka mga anak kay namauli sa Leyte.
Si Arnil nagdala unta kini sa iyang mga sinugatan alang sa iyang asawa ug duha ka mga anak.
Apan pag-abot niya sa ilang balay mingaw na ug way bisan usa nga nagtikaw-tikaw.
Matod ni Urello nga dunay problema ang managtiayon apan nagdumili siya sa pagtug-an kon unsang matang sa problima nga gikaawayan sa managtiayon nga ni-resulta sa pagbiya sa asawa ug mga anak.
“Naguol gyud to ang biktima kay wala man gyud mananghid. Siyempre gimingaw sa iyang asawa ug anak unya dili siya makadawat sa nahitabo naghikog,” sumala pa ni SPO2 Urello.
Matod niya nga pinangga kaayo ni Arnil ang iyang duha ka mga anak.
Dunay suicide note nga nakit-an didto sa lugar diin ang nagpakamatay nangayog pasaylo sa iyang nabuhat. (Guam P. Logroño)
