Gibo piloto nila ni Gwen, Glen sa paglibot sa Sugbo

Thursday, April 29, 2010

PRESIDENTIAL candidate Gilbert ‘Gibo’ Teodoro sa partido sa administrasyon nga Lakas-Kampi-CMD maoy piloto mismo sa chopper nga iyang gisakyan uban nila ni Gob. Gwen Garcia ug Glen Soco sud sa duha ka adlaw nga pagpangampanya libot sa lalawigan sa Sugbo.

Si Soco, kandidato sa pagka bise gobernador, maoy running mate ni Garcia.

Have something to report? Tell us in text, photos or videos.

Dinhi sa Sugbo si Teodoro niadtong Martes hangtod kagahapon, Huwebes.

Click here for Election 2010 updates

Si Teodoro nibanos sa piloto gikan sa Minglanilla ug paingon sa dakbayan Toledo.

Human sa programa, nilahos sila sa lungsod sa Daan Bantayan sa amihanan sa Sugbo.

Sa pagkasunod adlaw, si Teodoro maoy nimaneho sa chopper gikan sa siyudad sa Sugbo paingon sa siyudad sa Danao aron pagkuha kang Mayor Ramonito Durano.

Sila si Garcia ug Soco gihapit ni Gibo dayon niadto sila sa mga Isla sa Camotes.

Human sa ilang gitambungan nga programa sa Camotes, nilahos sila sa Bantayan Island. Nilupad sila padulong sa habagatan ngadto sa lungsod sa Dumanjug.

“I felt very safe. The ride is very comfortable, in spite of the fact that there were sudden showers. At least he knows how to maneuver,” komentaryo ni Garcia bahin sa pagmaneho ni Teodoro sa chopper.

Matod sa gobernador nga una niya kadtong higayon nga nisakay og chopper uban kang Teodoro. (JFT)