NAGHUNAHUNA karon ang Samahang Basketbol ng Pilipinas (SBP) papadayunon ba nila’g duwa ang Smart Gilas-RP developmental team sa Philippine Basketball Association (PBA) Philippine Cup o ilaha na kining paundangon og sayo.

Kini human nibuhi’g desisyon si PBA commissioner Sonny Barrios nga himuong non-bearing game ang tanang duwa sa Smart Gilas.

Sun.Star accepts donations for victims of Typhoon Ondoy

“We are still deciding,” matod pa ni SBP executive director Noli Eala sa usa ka artikulo nga nakuha sa internet.

Sa orihinal nga kasabutan, ang Smart Gilas mokombati kutob lang sa elimination round apan bearing game ang duwa alang sa PBA teams nga ilang ikaharong hinungdan nga wa gyu’y luagay ang duwa,

Gamit unta kaayo sa Smart Gilas ang maong pamaagi isip ilang preparasyon alang sa ilang pagkampanya sa Asian Games sa Guangzhou, China sa sunod tuig ug sa 2011 FIBA-Asia Championship, qualifying event sa 2012 London Olympics.

Sulod sa tulo ka mga duwa, ang Smart Gilas nakatilaw’g kastigo sa ilang mga nakontra nga mao ang Burger King Whoppers (105-115), Barangay Ginebra Gin Kings (72-100) ug defending all-Filipino champion Talk ’N Text (70-103).

“We posed some inquiries to the PBA to help us in coming up with our next course of action,” pasabot ni Eala, kanhi PBA commissioner.

Apan kon di na bearing game ang mga duwa sa Smart Gilas, hayan adunay posibilidad nga di kaayo mokombati og insakto ang PBA teams sa kahadlok nga aduna unya’y maangol sa ilang mga magduduwa.

Kon mao kini ang mahitabo, hayan di na kini makatabang sa preparasyon sa Smart Gilas.