SI Cebu City Acting Mayor Michael Rama gusto nga himuong sayon sa City Hall consultants ang guidelines sa pag-tow sa mga sakyanan.

Tumong niini aron di na mapuno sa mga reklamo ang City Hall sa mga motorista.

For updates from around the country, follow Sun.Star on Twitter

Alang kang Rama ang tanang mga sakyanan nga nakasamok sa publiko o nakababag sa trapiko kinahanglan I-tow, ingon man ang mga drayber nga nakalapas sa trapiko.

Gusto sab siya nga tangtangon ang probisyon nga gikinahanglan nga pahimangnoan ang nakalapas nga drayber pinaagi sa public address system o siren, nga girekomendar sa city consultants.

“When it constitutes nuisance per se, there is no need for an announcement,” matod ni Rama sa usa ka news conference kagahapon.

Usa ka ad hoc committee nga gilangkuban sa City Hall consultants niduso ngadto sa City Council niadtong Hunyo 17 sa ilang mga rekomendasyon kalabot sa pag-tow sa mga sakyanan.

Lakip sa ilang giduso mao ang mga guideline sa mga operasyon sa mga pribadong towing company.

Apan kagahapon si Rama niingon nga kinahanglan nga ang guidelines I-review ug himuong sayon sa di pa moumol ug moaprobar ang Siyudad og bag-ong towing ordinance. (LCR sa Sun.Star Cebu)