Hero’s welcome

Sunday, March 21, 2010

SAMA sa naandan, laing hero’s welcome ang nagpaabot kang pound-for-pound champion Manny Pacquiao sa iyang pagbalik sa nasod karong buntag gikan sa 12 rounds nga demolisyon kang Ghanaian Joshua Clottey niadtong Marso 13 sa Dallas Cowboys Stadium.

Sa iyang pag-abot sa Manila International Airport, si Pacquiao mobuhi og opisyal nga pamahayag sa PAL Centennial II terminal sa dili pa siya molahos sa New World Hotel aron mamahaw ug mopahuway’g kadiyot.

Have something to report? Tell us in text, photos or videos.

Ang World Boxing Organization (WBO) welterweight ug 7-time world champion mobisita sa iyang suod nga higalang si kanhi Environment Secretary ug Manila mayoral candidate Lito Atienza sa San Andres Bukid.

Click here for Election 2010 updates

Unya sa alas 9:00 sa buntag, motambong si Pacquiao og thanksgiving mass sa Quiapo Church.

Dayon molahos ang entourage ni Pacquiao sa Malacañang alang sa courtesy call kang Presidente Gloria Macapagal Arroyo.

Gikan sa Malacañang, ipahigayon ang motorcade nga manukad sa makasaysayong Mendiola bridge ug mosubay kini sa nanag-unang mga dalan sa Manila.

Gituohang mopahigayon sab si Pacquiao og press conference karong udto aron ilusad ang iyang giporma nga Puwersa ng Bayaning Atleta partylist.

Sama sa gilauman, linibong mga Pinoy na sab unya ang manggawas sa kadalanan aron makasingit og tan-aw sa Pambansang Kamao sa Pilipinas.