GAWAS sa mga sakop sa Special Reaction Unit nga gipakatap sa South South Bus Terminal, duha ka mga team gikan sa Regional Mobile Group ang gidugang sugod kagabii hangtod na sa Nobiyembre 3.

Kagahapon sa buntag ang pangulo sa Police Regional Office (PRO-7) nibisita sa mga bus terminal, ug pantalan sa Sugbo.

Sun.Star accepts donations for victims of Typhoon Ondoy

Si Chief Supt. Lani-o Nerez nimando kagahapon nga dugangan og usa ka team sa mga pulis ang Cebu South Bus Terminal karong hapon agig pagpangandam sa pagdagsa sa daghang mga pasahero nga mouli sa probinsya.

Si Nerez nakadayeg sa gihimo sa management alang sa hapsay ug seguridad sa maong terminal.

Matod niya nga gawas sa mga K-9 Dogs aduna usay mga sakop sa Special Reaction Unit ug mga pulis.

Apan bisan pa niini si Nerez nimando og dugang usa ka team sa mga pulis gikan sa Regional Mobile Group aron pagsiguro nga maprotektahan gyod ang mga pasahero nga gipaabot nga mosamot kadaghan karon hangtod na sa tungang gabii.

Matod niya nga kon modagsa gyud ang daghang pasahero ang management sa South Bus nipasalig nga modugang og waiting area sa luyong bahin sa terminal.

Gidayeg usab ni Nerez ang preparasyon nga gihimo sa kapulisan ug sa mga nagdumala sa pantalan sanglit usa man kini sa iyang gibisita kagahapon.

Matod ni Nerez nga dako na kaayong kausaban tungod sa ka high-tech na sa pagsusi sa mga bagahi nga mosulod sa pantalan.

Kagahapon nimando usab siya nga dugangan ang mga pulis sa mga pantalan dinhi sa Sugbo.

Lakip sa gibista ni Nerez ug kadagkuan sa kapulisan sa Probinsya ug siyudad sa Sugbo mao ang City Link Terminal sa dakbayan sa Sugbo.