I’m sorry – Floyd Jr.

Sunday, September 5, 2010

NANGAYO og pasaylo si Floyd Mayweather Jr. sa iyang negatibong mga mensahe nga nakainsulto sa kaliwat sa mga Asyano, sa mga Pilipino ug labaw na sa tanan kang pound-for-pound champion Manny Pacquiao.

Gamit na sab ang video sa internet, si Mayweather nangayo’g pasaylo sa tanang mga tawo nga naapektuhan sa iyang mga gipanulti.

Have something to report? Tell us in text, photos or videos.

“I do want to apologize for what happened the other night,” matod ni Mayweather sa video nga napatik sa Yahoo Sports! ug nagkadaiyang boxing websites.

“I want to apologize to everybody. They felt it was a racist comment that came from me. I don’t have a racist bone in my body, you know. I love everybody. Some of my guys are Muslims.

Some of my guys are Jews. Puerto Ricans, Dominicans, Mexicans, whites, it doesn’t matter. There is nothing but love in my heart, you know what I’m saying?”

Gipasabot ni Mayweather nga naglingawlingaw ra gyud siya ug dili niya buot nga makapasakit og dughan sa mga tawo.

“The only thing I want to say is, anybody who was offended by what I said the other day, I apologize as a man. I apologize.

Forgive me for saying what I said. I was just having fun. I didn’t really mean it, nothing in a bad way. So let’s stay on this roller coaster ride and keep riding, baby. It’s all love,” dugang ni Mayweather.

Sa wala pa siya nangayo og pasaylo, si Mayweather migakos og duha ka babayeng mga Asyano, Thai ug Chinese. Iyang gihangyo ang usa nga mosulti og Thai nga sinultihan.

Samtang gigakos niya ang duha, iya kining gisaaran og duha ka front row tickets sa iya unyang pagpakig-away kang Pacquiao, nga naghatag og timailhan nga makig-away ra gyud diay si Mayweather sa Pambansang Kamao sa ugma damlag.

Sa laing bahin, imbis nga masuko, gikalipay na lang ni Pacquiao ang pag-insulto ni Mayweather kaniya kay nakahatag kini’g dugang atensyon sa iyang away ni Mexican Antonio Margarito karong Nobiyembre 13 sa Dallas Cowboys Stadium.

“Natutuwa naman akong pati si Floyd Mayweather ay tumutulong sa pagbibigay ng pansin sa aking laban. Dahil sa paninira niya sa aking puri at sa paglalahad niya ng kaniyang kamangmangan ay lalong napapansin ng lahat ang laban na ito,” batbat ni Pacquiao sa iyang “Kumbinasyon” nga column sa www.philboxing.com.

Gipasalig ni Pacquiao nga sa sunod niyang column, hayan iyang hatagan og atensyon ang gibuhat ni Mayweather.