Imbestigahon kay wa makabantay sa paghikog
Thursday, September 2, 2010
More Sections
GIMANDUAN ang duha ka jail guard sa Talisay City police station sa pagpasabot ngano nga wa nila mabantayi ang paghikog sa 19 anyos nga priso niadtong Martes sa gabii sud sa selda.
Patubagon sud sa 24 ka oras sila si SP03 Cleofas Bonjoc ug P02 Jaime Abellana tungod sa paghikog ni Cielo Bacus, taga sityo Mananga ,Tabunok, Talisay City.
Have something to report? Tell us in text, photos or videos.
Updates on President Benigno Aquino III's presidency
Ang duha ka pulis nipadayag sa kaandam sa pagpaubos sa imbistigasyon sa maong insidente.
Si Inspector Hugo Rio Ipong maoy gitahasan sa pagimbestigar.
Base sa pamahayag sa mga kaubang priso, si Bacus naguol kayo nga wa gyuy iyang mga paryente nga niduaw sukad siya nabilanggo sa Talisay City detention cell.
Gipriso siya niadtong Agusto 25, human siya ipadakop sa tag-iya sa motorsiklo nga iyang gi-carnap.
Alas 11:00 pasado niadtong Martes sa gabii, usa ka piniriso ang nakamata ug maoy nakakita kang Bacus nga naghikog gamit ang gisumpaysumpay nga panapton.Ang lawas sa biktima anaa na sa usa ka punerarya sa Talisay apan giingong wa pa kuhaa sa mga tagtungod. (VLM)
