Ipabasura ni Benjur

Wednesday, September 1, 2010

NAG-AWHAG si Kong. Benhur Salimbangon sa piskaliya sa pagbasura sa reklamong usurpation of authority nga gisang-at sa iyang giparot nga kaatbang sa wa pa ang piniliay niadtong Mayo 10.

Si Salimbangon nga nagrepresentar sa ikaupat nga distrito sa lalawigan sa Sugbo niawhag usab kang Cebu City Assistant Prosecutor Raul Cristoria nga hatagag konsiderasyon, usbon o kaha wagtangon ang iyang napakanaog nga resulosyon nga nagbasura sa kasong usurpation of authority batok kang Celestino “Tining” Martinez III.

Have something to report? Tell us in text, photos or videos.

Updates on President Benigno Aquino III's presidency

Ang kongresista, sa gisang-at niyang “omnibus motion,” nag-awhag usab kang Cristoria nga mohatag og konsiderasyon sa napakanaog niyang resulosyon nga nag-abswelto nilang Bogo City Mayor Celestino “Junie” Martinez Jr., Vice Mayor Santiago Sevilla, kanhi Kong. Clavel Martinez, Atty. Jose Carlo Martinez ug Ahmad Clay Escolar uban sa pipila ka mga tawo sa kasong arbitration detention ug grave coercion.

Nasayran nga gibasura ni Cristoria ang mga kasong arbitrary detention ug usurpation of authority kay giiingong kuwang ni sa ebidensya.

Gibasura usab sa piskal kay kuwang usab sa ebidensya ang kasong grave coercion nga gisang-at batok nilang Clavel, Tining ug Escolar.Apan, nirekomendar si Cristoria nga pasakahag kasong usurpation of authority si Salimbangon.

Ang kongresista uban sa iyang kaparyentihan ug tigpaluyo nisang-at sa kasong arbitrary detention ug grave coercion batok sa mga Martinez tungod sa insidente niadtong Mayo 10 sa Brgy. Polambato, dakbayan sa Bogo.

Giingong gibabagan sa mga Martinez uban sa ilang tigpaluyo ang mga sakyanan nilang Salimbangon dihang dunay mga reklamo ang ilang mga abogado nga gihulga didto sa Medellin.