MGA bata pinaagi sa ilang inahan ang ipatawag sa kabUmberohan aron maimbestigar kabahin sa sunog sa miaging nga miugdaw sa usa ka balay sa brgy. Lahug, siyudad sa Sugbo nga gikamatay sa 61-anyos nga ginang.

Ang 13 anyos nga batang babaye uban sa iyang duha ka mga manghod mao lay nahabilin sa ilang kuwartong giabangan sa ikaduhang andana sa balay sa wa pa mahitabo ang sunog.

Sun.Star accepts donations for victims of Typhoon Ondoy

Atol sa sunog, si Anecita Sanchez,usa ka paralitiko, namatay ug napaig samtang naglingkod sa iyang wheelchair sa ikaduhang andana sa ilang balay sa sityo Riverside.

Ang biktima nagpuyo kasikbit sa lawak nga giukopahan ni Nina Radan uban sa iyang tulo ka mga anak.

Si SFO1 Nilo Daculan niingon nga si Radan wa sa ilang lawak ug gibilin ang iyang mga anak.

Si Sanchez bugtong nahabilin sa ilang lawak kay ang iyang anak nga (wa makuha ang ngalan sa kabumberohan) nag-atiman sa ilang negusyo nga barbeque sa JY Square sa Lahug.

Niadtong mga higayuna ang mga bata ug si Sanchez lang ang diha sa balay.