Iran lubogn sa U.S.

Thursday, September 2, 2010

MIABANTE sa round-of-16 ang defending champion Spain sa nagpadayon nga basketball world championship kagahapon bisan pa man sa ilang duha ka kapildihan sa unang round, apan ang nakasurprisa mao ang pagsulod usab sa Angola.

Ang Angola nakasud sa round-of-16 mga upat na ka tuig ang milabay, apan karong tuiga gilubong sila og 50 puntos sa Serbia sa pagsugod sa torneyo.

Have something to report? Tell us in text, photos or videos.

Updates on President Benigno Aquino III's presidency

Hinuon, nagkadugay ang kompetisyon, nakaumento ang dinuwaan sa Angola ug sa wa damha, human mabiyai og 10 puntos kagahapon, mirali kini og gipakaging ang Germany, 92-88, sa overtime period.

“We made history for Angola today,” matod ni coach Luis Magalhaes. “My players never give up, they are warriors.”

Ang Spain miduwa ning maong kompetisyon nga mao ang defending champion, European champion ug silver medalist sa Olympic.

Napildi kini og kaduha sa ilang unang tulo ka duwa apan nakahulbot kini og luna sa sunod round sa dihang ilang gimakmak ang Lebanon, 91-57, ubos sa pagpangulo ni Marc Gasol.

Sa niaging duha ka tuig, ang United States mipildi sa Olympic gold medal sa Beijing, apan ning higayona, way bisan usa ka players nga nabalik sa ilang lineup karon.

Hinuon nakasgiuro na kani og luna sa sunod round human dabodabohi ang Iran kagahapon, 88-5, sa Group B.

Sa mao gihapong grupo, ang top-ranked Argentina mosakbang sa Serbia karong adlawa.

Kauban sa Angolia sa second round mao ang Australia bisan pa man og napildi kini sa Serbia kagahapon.

Ang Argentina mikutlo usab sa ilang ikaupat nga daog pinaagi sa paglubong sa Jordan, 88-79.

Ang Croatia mibuntog sa Tunisia, 84-64, gipatapsingan sa Slovenia, 80-77, ang Brazil aron usab masakop sa top 16.

Gilupig sa Lithuania ang France 69-55,k sa Group D, New Zealand midaog batok sa Canada, 71-61, u gang Spain ug France miabante usab sa sunod round.

Sa Group C, perpekto sa unang round ang host Turkey (4-0) apan hinuon ilang nalupig ang Puerto Rico 79-77.

Ang Greece nakalangkat usab og panid sa round-of-16 pinaagi sa pagdabodabo sa Canada, 97-60, samtang ang Russia miparto sa Canada 89-80.