Jonas di kahibawo?; konseho gibasol nuon ni Boholst
Thursday, April 29, 2010
More Sections
MANDAUE City re-electionist Mayor Jonas Cortes gihulagway sa iyang higpit nga karibal sa politika, Kongresista Nerissa Soon-Ruiz, nga ‘way kabangkaagan’ sa pagdumala sa siyudad.
Apan kampo ni Cortes nipakita nga taas ang paglambo sa dakbayan itandi sa miaging administrasyon ilabi na sa natad sa negosyo.
Have something to report? Tell us in text, photos or videos.
Gisaway ni Ruiz nga gipalabi ni Cortes ang pagpalambo sa iyang political staff pinaagi sa pagpanguha og mga job order (JO) inay ang paghatag og pagtagad sa ubang gikinahanglang proyekto ilabi na sa infrastructure project.
Click here for Election 2010 updates
Iyang gikuwestiyon ang mayor kon unsay gigamitan sa P2.8 bilyones nga kinatibuk-ang pundo nga gi-aprobahan sa konseho alang sa proyekto sa dakbayan sud sa tulo ka tuig nga pagdumala niini.
“I can do better, kon ako maoy hatagan sa katungdanan,” matod ni Ruiz.
Apan si city administrator Briccio Boholst nipasabot nga ang bulto sa maong pasangil gigamit alang sa personnel services, maintenance ug operating expenses.
Gibutyag ni Boholst nga mokabat sa P100 milyones ang pundo nga natanggong sa konseho sanglit wa gyud kini kaaprobahi.
Gisalikaway ni Boholst ang giingong ‘incompetent’ si Cortes sanglit base lang sa kita sa dakbayan moabot ngadto sa P900 milyones itandi sa P420 milyones sa panahon ni kanhi mayor Thadeo Ouano.
“Nagpakita nga aduna nay business confidence sa administrasyon ni Cortes. Moabot na sa P35 bilyones compared sa P5 bilyones ni Ouano,” tipik sa pamahayag ni Boholst.
