Kababayen-an nahiubos

Tuesday, March 9, 2010

NADISMAYA ang grupo sa kababayen-an sa mga konsehal sa dakbayan sa Talisay tungod kay wa manambong sa session sa konseho kagahapong adlawa nga mag-aprobar unta sa mga ordinansa nga makaayo alang sa ilang sector.

Gitumbok nila ang grabing pamulitika nga maoy gipatigbabaw sa mga konsehal sa administrasyon aron lang di matuki ang duha ka mga ordinansa ni Konsehal Shirley Belleza nga alang sa paghatag og ayuda sa mga Barangay Health Worker (BHW) ug sa Gender and Development (GAD) Focal Person.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Apan si Bise Mayor Alan Bucao nga maoy presiding officer daling nanalipod sa mga wa makatambong nga mga konsehal.

Alang ni Bucao posibling nanagana ang mga konsehal sa pagtunga sa session tungod kay gidus-an lang sila ni Belleza og ordinansa nga wa pa matun-i ug gidad-an pa og daghan kaayong mga babaye sa session.“Ihatag unta daan ang ordinansa aron matun-an. Mahadlok ang atong kaubanan nga mo-decision unya gialirungan sa daghan kaayong mga babaye mao nga naglikay na lang sila,”matod ni Bucao. (VLM)