NAGTUKOD ang Kagamhanan sa Dakbayan sa Sugbo og composite team aron pagsulbad sa suliran sa “hotspot areas” human sa biyahe ni Acting Mayor Michael Rama sa usa ka mountain barangay niadtong Lunes.

Nakakita si Rama sa nagliundok nga mga basura sa karsada.

"Matod Pa Sa Lola ni Noy Kulas." Join the story-writing contest on Cebuano folklore and win prizes.

Matod ni City Dept. of Public Services (DPS) Chief Dionisio Gualiza, mao ang mga dapit sa matag barangay nga labayan sa mga tawo, bisan ang mga di lumolupyo, molabay sa ilang mga basura.

Niresulta kini sa nagliundok nga mga basura bisan nakahakot na ang Siyudad ug mga barangay sa mga basura.

“It is just the trash that immediately piles up after residents and even those from other places left them in the streets,” matod niya sa Cebuano.

Kagahapon ang team nga gilangkuban sa DPS, City Traffic Operations Management, Dept. of Engineering and Public Works, City Environmental Sanitation Enforcement Team, ug uban pa, gitukod human magtagbo ang mga opisyal uban kang Rama.

Si Dr. Alice Utlang, kinsa gitudlo ni Rama nga team point person, niingon nga makiglambigit sila sa mga barangay kay ang presensya sa mga basura sa karsada makadaot sab sa reputasyon sa siyudad.

Siya niingon nga makigtagbo siya s amga barangay karong Huwebes aron pagsugyot og mga sulusyon sa mga dapit nga hotspot. (RHM sa Sun. Star Cebu)