Kanhi opisyal naangol sa pagkasunog sa balay

Thursday, March 18, 2010

RETIRED official sa kapulisan naangol kay nisuway sa pagsalbar sa ilang kuwarta samtang nagdilaab ang ilang balay sayo kagahapon sa kaadlawon.

Laing balay sa silingan ang napagan ug laing usa ang partially burned sa sunod nga ang alarma nadawat sa kabomberohan alas 2:25 sa kadlawon sa Porok 8, Barangay Camputhaw, siyudad sa Sugbo.

Have something to report? Tell us in text, photos or videos.

Click here for Election 2010 updates

Ang nasunog mao ang balay ni Francisco Lao, 60 , kanhi opisyal sa kapolisan.

Lakip sa nasunog mao ang balay ni Rena Seares ug na-apiktuhan ang pinuy-anan ni Nene Sombe.

Sa pasiuna nga inbestigasyon ni SFO1 Nilo Daculan nagbutyag nga nakaangkon og 2nd degree burns si Lao sa dihang misuway unta sa pagsalbar sa iyang kwarta nga P40,000 sulod sa iyang lawak.

Nakagawas na unta si Lao sa ilang balay, apan nibalik pagsulod, apan natumbahan sa nagdilaab nga kahoy.

Maayo gani nakahimo pa siya sa paggawas.

Ang inahan ni Lilibeth Opsimar nga anaa magpuyo sa kasikbit nga lawak ni Lao mibutyag nga ang kayo didto niya unang nakita gikan sa lawak sa biktima.

Wa pa mahinabi sa kabomberohan si Lao kay gi-atiman pa kini sa mga doctor tungod sa daghang mga paso nga naangkon sa iyang kalawasan.

Gisubay karon sa kabomberohan ang posibilidad nga adunay nalimtan pagpawong nga appliances o gadget.

Gibana-bana nga moabot og P450,000 ang gibilin nga danyos sa sunog nga nakontrolar sulod sa 8 minutos.

Gikatakda nga ipatawag usab sa kabomberohan si Retchie Lao, ang anak ni Francisco nga diha usab sa pagka hitabo sa sunog.(JFT)