Kano nag-wild sud sa abyon

Friday, March 19, 2010

AMERIKANO nag-wild sud sa abyon sa Philippine Airlines (PAL) samtang naglupad paingon sa Sugbo gikan sa Manila.

Ang langyaw nisuway sa pagbuak sa heavy duty glass window sa maong abyon.

Have something to report? Tell us in text, photos or videos.

Click here for Election 2010 updates

Nimugna og crack ang first layer nga bildo sa maong bintana human gidukdok sa langyaw ginamit ang iyang sungkod kansang kuptanan ginama sa steel brass.

Giila ni PSSupt. Joselito Salido, hepe sa 7th Police Center for Aviation Security (PCAS) sa Mactan Cebu International Airport Authority (MCIAA) ang langyaw nga si Rex Hampton, 80, taga-Portland, Oregon USA.

Nahitabo kini human sa 30 minutos nga ni-take off ang PAL nga gibana-bana sa mga alas 5:30 kagahapon sa kadlawon gikan sa Ninoy Aquino International Airport (NAIA) paingon sa Sugbo.

Base sa initial nga imbestigasyon sa kapulisan naalarma ang mga pasahero ug flight attendant sa dihang nagpunay og dukdok si Hampton sa bintana sa iyang gilingkoran.

Sigun pa ni Salido, base sa giasoy sa asawa ni Hampton nga si Jovelyn, 42, lumad sa Toledo City, Sugbo nga nakasinati og psychological problem o paranoia niadtong higayona ang iyang bana.

“Gustong lumabas nitong si Hampton sa aircraft, kaya pinukpok ang bintana. Dahil daw may nakita na tawo, who is running after him and want to kill him,” matod ni Salido.

Maayo na lang kay nikalma ang langway sa dihang gibadlong ug gipakalma sa iyang asawa ug flight attendants.

Nasuta nga tigtumar og anti-depressant nga tambal ang langway apan wa masayri kon ni-take kini sa maong tambal sa wa pa mobiyahe.

Atol niining pagsuwat giandam sa kapulisan ang kasong malicious mischief resulting to damage to property ug ang kalapasan sa civil aviation regulation may labot sa ‘unacceptable conduct, endangering the lives of passengers. (FQB)