Kapin sa 1M ang multa

Tuesday, February 9, 2010

GIPAMULTA og kapin sa P1 milyunes sa Philippine Basketball Association (PBA) ang Talk N’ Text Tropang Texters tungod sa pag-walkout niini batok sa Brgy. Ginebra Gin Kings sa Game 4 sa quarter-finals best-of-5 series niadtong Biyernes sa 2010 Philip­pine Cup.

Gawas sa pag-forfeit sa Game 4 pabor sa Gin Kings, si PBA commissioner nipamulta sa Talk N’ Text og P500,000 aron ihatag sa Brgy. Ginebra ubos sa section 32 sa PBA constitution and by-laws.

Have something to report? Tell us in text, photos or videos.

Click here for stories and updates on the Sinulog 2010 Festival.

Unya ang bahin sa Talk N’ Text sa maong duwa sa gate receipts ug TV revenues, nga gibanabanang moabot sa P250,000, gikuha sab sa PBA aron bahin-bahinon sa laing siyam ka teams sa labing unang professional nga liga sa Asya.

Gipamulta sab og laing P500,000 sa PBA ang Talk N’ Text aron ihapak ngadto sa Players’ Educational Trust Fund alang sa benepisyo sa mga magduduwa ug sa dependents niini.

“There are established rules and procedures to properly ventilate a team’s disagreement with officiating so that the fans do not become innocent and unwilling victims of a team’s protest over calls,” pasabot ni Barrios.

Ang hapit wala’y hago nga kadaugan sa Gin Kings sa Game 4 ilang gisundan og dakong kadaugan sa Game 5, 113-110, aron pag-abante sa semi-finals.

Ang gikaintapang semi-finals, nga kombatihan pinaagi sa best-of-seven series sugdan karong hapon sa Araneta Coliseum.

Sa premirong duwa, ang Gin Kings makigsangka sa Alaska Aces samtang sa main game, ang Purefoods TJ Giants makigharong sa San Miguel Beermen.

Ang Aces ug Beermen taodtaod nang nagpahuway gumikan kay deretso man silang nakasulod sa semis human gyud sa eliminasyon samtang ang Gin Kings ug TJ Giants daghan pa kaayo’g gia­gian.

Gitataw nang daan sa Aces ug Beermen nga wala gyud sila niundang og ensayo aron dili matay-an ang ilang kapabilidad paingon ning sangkaa. (PBA Media Bureau)