KON ang reaksyon sa mga tawo ang himuong pasikaran, mas nisaka gyud popularidad karon ni Katrina Halili.

Grabe ang paghangop sa mga Cebuano niya niadtong Sabado. Gikan sa pagkanaog niya sa abyon sa Mactan International Airport paingon sa Lighthouse Restaurant, way di gustong magpa-picture ug daw langit na bisag makahikap man lang sa kontrobersyal nga aktres.

For updates from around the country, follow Sun.Star on Twitter

Mabata o mabatan-on, nipadayag ni sa ilang suporta ug bisag sud mismo sa Lighthouse Restaurant wa kapugngi ang bagang duot sa fans nga sigeg chant og “we love you Katrina.”

“Kahibawo na ka sa mga pinoy gusto kaayog underdog. Makabangon ra na si Kat oi gikan sa maong eskandalo. Si Maricar gani naka-move on nga mas grabe pa to iyang video, si Katrina pa,” chika pa sa fans nga nahinabi sa Superbalita Laysho.

Si Katrina niabot sa Sugbo kauban ang iyang manager isip guest sa unang bola sa free scholarship promo sa Gaisano Main ug Country Mall.

Atangi ang no-holds barred interview ni AC Martin kang Katrina sa iyang Tagming karong Martes.