Kon ikaw pahukmon: 50 ka rape

Sunday, March 7, 2010

NING kaso nga rape, duha ang mga biktima, ang 4 ug 7-anyos nga mga humagbos kun stepdaughters. Ang rape nahitabo sud sa upat ka mga tuig, gikan sa 1995 ngadto sa 1999.

Dihang si Tessie 7-anyos pa, usa niana ka higayon niadtong 1995, siya ug ang iyang manghod lang ingon man ang ilang ama-ama ang nangahabilin sa ilang balay.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Samtang nahinanok ang iyang manghod sa pagkatug, gipahigda siya sa iyang ama-ama nga si Carl sa sawog ug gihuboan. Giangkon ang iyang linghod pa kaayong pagkababaye hinungdan sa grabeng kasakit nga iyang gibati.

Giantos kini ni Tessie sud sa pipila ka katuigan. Buhaton kini ni Carl kon nangatug ang mga igsuon ni Tessie o kaha nanagduwa sa gawas. Gibuhat kini sa akusado makatulo sa matag semana.

Hangtod nianang hinapos sa 1999, diha na siya makahukom sa pagtug-an sa iyang inahan sa nahitabo kaniya sa mga kamot sa iyang ama-ama. Sa sinugdan naglisod sa pagtuo ang iyang inahan, apan sa kaulahian, nidala kini kaniya sa barangay tanod ug gitaho ang kaso sa kapulisan.

Si Carl nanghimakak sa akusasyon batok kaniya. Matod niya nga di kini niya mabuhat kay tibuok adlaw siyang nagtrabaho sa fishpond nga nahimutang mga 10 metros lang gikan sa ilang balay.

Matag Dominggo lang siya makapahuway og taas sa ilang balay.

Gawas niini, naa pa gyud magpuyo uban kanila ang iyang inahan, mga igsuong babaye ug mga anak niini. Busa, kon manglugos man siya, lisod kini paghimo nga di mabantayan.

Bisan ang iyang asawa, inahan ni Tessie, nanalipod kaniya.

Matod ni Lina nga wa siyay nakitang mga timailhan nga gilugos ang iyang anak sa akusado. Wa sab gyud siya mobiya sa iyang balay kay gagmay pa ang iyang mga anak.

Siya niangkon nga dihang nasayod siya gikan sa iyang anak sa hitabo, naglibog siya ug iyang gipabalhin ang iyang anak og puyo.Iyang gihangyo ang mga awtoridad nga isibog ang kaso kay mabdos siya ug way makaatiman sa ilang mga anak.Way makasuporta sa ilang pamilya.

Ning aspetuha, wa kaha magtumo-tumo ang bata batok sa iyang ama-ama? O tinud-anay gyud kahang sad-an ang akusado?

Hukom sa kasong rape

Ang akusado napalgang sad-an sa 10 ka mga kasong rape nga gipasaka batok kaniya. Gisilutan siyag reclusion perpetua nga way parole.