Kon ikaw pahukmon: Gibirahan

Sunday, September 5, 2010

GWARDIYA si Lina sa usa ka unibersidad. Samtang nagbantay sa hall sa unibersidad niadtong buntag sa Pebrero 18, 1999, nakabantay siya kang Loloy nga nagsigeg paso-paso sa agianan.

Nagbitbit sab ni og hulagway nga iyang isud sa bulsa matag karon ug unya samtang ang iyang tulo ka mga kauban naglingkod sa bench. Kay nakabantay siyang di mga tinun-an sa unibersidad ang upat, iya ning gisultihan sa paggawas.

Have something to report? Tell us in text, photos or videos.

Apan sa mga alas 3:30 sa hapon sa sunod adlaw, iyang nakit-an si Loloy nga nisud sa canteen samtang ang iyang mga kauban nanglingkod sa bench. Iyang giduol si Loloy ug gimanduan sa pagbiya.

Wa gyud ni maminaw kaniya. Inay mobiya, nipadung na hinuon kini sa photocopu machine sa laing building unya nibalik sa agi. Iya ning gibuhat sa makaupat ka mga higayon samtang nagsige og tan aw sa iyang dala nga hulagway.

Samtang niadtong higayuna, ang biktimang si Niño naglingkod sa bench kauban ang ubang mga tinun-an. Dihang nahaduol si Loloy sa bench, kalit siyang nipabuto og makaduha sa iyang dalang pusil tumong kang Niño.

Nanagan ang mga tinun-an samtang si Niño nalup-og. Samtang nagkamang si Niño ug nagkupot sa iyang tiyan, giusban siya pagpusil og makatulo. Giusban pa gyud ni niya.

Gikuptan dayon ni Lina ang senina ni Loloy ug giingnang patay na si Niño.

Gitiunan siya ni Loloy sa pusil apan iya dayon ning gipaubos. Pagkahuman, nanagan sila si Nonoy ug mga kauban.

Si Loloy nanghimakak nga didto siya sa tunghaan. Gani, pulos man injured ang iyang duha ka mga kamot. Ang iyang tuong kamot dunay atrophy ug gioperahan gani kini. Ang bukog sab sa iyang siko nabuak ug dunay gipaslak nga stainless.

Iyang gipakita sa korte nga di siya makahimo sa pag-cock og kalibre .45 nga pistola gamit ang iyang tuong kamot ug pagkablit sa pusil.

Motuo ka sa gisulti ni Loloy nga di siya makahimo sa pagpusil kay baldado siya? Kon ikaw ang pahukmon, sad-an ba si Loloy? Wa kaha siya maalai lang sa gwardya?

Hukom sa kasong rape

Guilty ang hukom sa korte. Base lang kini sa circumstantial nga mga ebedensya. Una, nibahad nang daan ang akusado nga dunay mahitabo kaniya. Ikaduha, siya ang katapusang tawo nga niduol sa biktima sa wa pa mawad-i sa panimuot. Hushos na ang karsones ug panty sa biktima dihang naulian siyag panimuot. Kini nga mga hitabong nasumpaysumpay igo nang makakombikto sa akusado nga gisilutan og reclusion perpetua.