KINING mao nga estoriya base sa kaso nga giapelar ngadto sa Supreme Court nga giduso sa akusado ug nahukman na.

Gipresentar dinhi ang duha ka mga habig, sa prosekusiyon ug depensa, nga maoy gibasehan sa hukom sa Labing Taas nga Hukmanan. Ikaw nga nagbasa giawhag sa pagpadangat sa imong panahom sa kaso, kon ikaw ang pahukmon niini. Sa imong tubag, pinaagi ba sa mail o e-mail, ibutang ang imong kompletong ngan ug address.

Sun.Star accepts donations for victims of Typhoon Ondoy

Ayaw paggamit og codename kay ma-disqualify ang imong entry.

Kon mogamit ka man og codename aron mao lay ipatik, ilakip ang imong kompletong ngan ug address. Among ipatik ang inyong mga tubag uban sa inyong mga ngan.

Ang imong tampo ipadangat lang sa Kon Ikaw ang Pahukmon, Sun.Star Superbalita, P. Del Rosario St. Cebu City. Mahimo sab kini i-e-mail sa rrm@sunstar.com.ph o kulas@sunstar.com.ph.

Kadtong tubag nga sakto ug maayong pagkahan-ay, dunay madawat nga cash isip ganti. Pagdala lang kamo og ID sa inyong pag-claim sa premyo atol sa oras tingtrabaho, gikan sa alas 9am-5pm, Lunes ngadto sa Biyernes.
-EDITOR

BATA pa lang si Rachel dihang namatay ang iyang amahan. Duna pa siyay mga manghod nga gagmay dihang nakahukom ang iyang inahan nga si Tessie sa pagminyo og usab.

Iyang gikahibag si Joe, iyang silingan. Kay nakauyon ug nagkinahanglan og partner, nagminyo sila si Tessie ug Joe.

Kuyog nila pagpuyo ang mga anak ni Tessie, apil na si Rachel.

Wa sila masayod nga masudlan og bakukang ang ulo ni Joe.

Inay iyang bantayan ang mga anak sa iyang asawa, siya na man hinuon ang niunay sa pagpahimus sa usa niini.

Usa ka gabii niadtong 1995, samtang nagpanuigon pa si Rachel og 11-anyos kay natawo siya niadtong Nobiyembre 14, 1984, nilakaw ang iyang inahan nga si Tessie kay niadto sa kapehan nangani sa laing lugar.

Nahabilin mao lang sila si Rachel ug ang iyang mga manghod.

Nisud sa lawak si Joe diin nangatug ang mga bata. Samtang nahinanok ang bata, nitupad siya sa pagkatug sa biktima.

Iyang gihinayhinay sa paghubo ang panty ni Rachel ug giromansa.

Iya dayon nga gipasud ang iyang kinatawo, nga gibati og kasakit og maayo si Rachel. Iyang namatngunan ang pagbuga sa duga sa iyang ama-ama. Wa siyay nahimo tungod kay gihulga siyang patyon sa iyang ama-ama.

Makadaghan kini buhata sa akusado ug katapusan niadtong Mayo 27, 1997. Wa gyud motug-an si Rachel sa iyang giantos sa mga kamot sa iyang ama-ama. Niadtong adlawa usab, gidapit siya sa iyang lola nga adto mohigda sa iyang balay.

Apan wa siya makaadto sa balay sa iyang apuhan hinungdan nga giadto siya nianang pagkaugma.

Inay nga motubag sa iyang lola, nihilak kini. Dinhi, nitug-an siya sa iyang apuhan sa mapait niyang kasinatian.

Nanghimakak si Joe sa pasangil. Matod niya nga tumo-tumo lang kini sa iyang ugangang babaye nga wa makauyon kaniya ug sa ilang panagminyo sa iyang asawa.

Nisaksi sab si Tessie sa kaso. Matod niya nga wa siya masayod na dunay supak sa ilang kaminyuon, apan dihang gipangutana kalabot sa iyang mga ginikanan, wa na siya motingog.

Matod niya nga wa sab siya masayod sa nahitabo sa iyang anak.

Kon ikaw ang pahukmon karon, sad-an ba si Joe sa paglugos sa iyang humagbos?

Hukom sa duha ka mga kasong murder ug frustrated murder

Bisan way pusil nga napakita ug nakalusot ang usa sa mga akusado, napalgan gihapong sad-an ang akusado sa duha ka mga kasong murder, diin siya dunay tagsa ka silot nga reclusion perpetua samtang sa frustrated murder, 10-20 ka mga tuig.