NAGLAKAW si Jane sa ngitngit nga bahin sa ilang lugar. Padung siya sa balay sa iyang lola nga agion pag sapa-sapa ug way balay sa duol.Sa unahan hinuon naa ang tunghaan. Mga alas 9 kadto sa gabii sa Hulyo 1989.

Samtang siya naglakaw, dunay usa ka lalake nga kalit lang nibabag sa iyang agianan. Iya ning nailhan nga si Poloy kay ila kining silingan nga nanguyab kaniya apan iyang gibasted.

Naghuwat diay ni niya ug gitiunan siyag kutsilyo sa kilid sa iyang lawas. Gibauran siya ni Poloy nga di mopalag aron way dautang mahitabo kaniya.Gihinol ang iyang mga dughan ug tiyan.

Sun.Star accepts donations for victims of Typhoon Ondoy

Gibitad siya padung ngadto sa home economics building. Sa sud, gihuboan siya sa akusado. Pagkahuman, naghukas ang akusado gamit ang walang kamot samtang sa tuo ang kutsilyo.

Wa gyud siya makasiyagit tungod sa iyang kahadlok. Gipahigda dayon siya sa lingkuranan, gibutang ang kutsilyo dayon nipatong sa iyang lawas nga hubo tanan. Iyang nabati ang kainit sa lawas ni Poloy nga hubo usab sama kaniya. Didto, gibati niya ang tumang kasakit human angkuna sa akusado ang iyang pagkababaye.

Gitiunan sab siyag usab sa liog ug gibauran nga di gyud mosulti ni bisan kinsa kay patyon gyud siya niini. Human niini, nipadayon siya sa balay sa iyang lola, diin iyang nabantayan nga ala 1 na diay kadto sa kaadlawon.

Paglabay sa mga unom ka buwan, nakabantay ang inahan ni Jane nga nidako ang iyang tiyan. Gisukitsukit siyag maayo ug didto na siya motug-an sa nahitabo kaniya.

Sa husay sa kasong rape, nanghimakak si Poloy nga iyang gi-rape ang biktima kay niadtong petsa nga giingon, didto siya sa siyudad nitabang sa negusyo sa iyang mga ginikanan. Niangkon hinuon siyang nanguyab siya kang Jane apan gibasted.

Apan siya niinsister nga ang dalaga dunay gusto kaniya kay magbisitahan gani kini niya sa ilang balay.

Haguka ug di ba katuohan ang pangatarungan ni Poloy? Sad-an ba siya ning kasong iyang giatubang, kana kon ikaw ang pahukmon?

Hukom sa duha ka mga kasong rape

Ang akusado gisilutan og duha ka mga reclusion perpetua nga way parole sa iyang paglugos sa iyang humagbos.