Kon ikaw pahukmon: Nawad-ag panimuot

Sunday, August 29, 2010

MGA alas 6 sa gabii sa Mayo 1, 2001, sila si Cindy ug Kathy nga magsuon didto sa bakanteng lote nga iyaha sa usa ka restaurant. Nananghid si Cindy kang Kathy nga moadto sa balay sa iyang higala nga si Milay.

Samtang nagpadung pa siya didto,iyang gikasugat si Ruel, igsuon ni Milay. Kay wa didto ang iyang amiga sa balay sumala sa gisulti ni Ruel kaniya, nibalik na lang siya sa agi.

Have something to report? Tell us in text, photos or videos.

Updates on President Benigno Aquino III's presidency

Pag-abot niya sa bakanteng lote, nakadungog siyag sitsit gikan kang Ramon, usa ka lider sa fraternity. Sa kalit lang, duha ka wa mailhing mga tawo ang ningbabag sa iyang agianan dayon gisampungan ang iyang baba ug ilong ginamit ang panyo. Nakuyapan siya.

Dihang naulian na siya sa panimuot, didto na siya nahimutang sa bakanteng lote mga 200 metros gikan sa restaurant. Nagbilangkad na siya, nahushos na ang iyang karsones ug wa na ang iyang sapatos. Nanakit ang iyang mga paa ug nagsakit ang iyang pus-on.

Nakahimo pa siya pagkamang ug nakapangayo og panabang sa iyang ninong. Iyang gitumbok si Ramon nga maoy nilugos kaniya.

Apan si Ramon wa moangkon. Matod niya nagkaila sila ni Cindy nianang Marso kay didto kini nipuyo sa ilang balay og mga duha ka adlaw human kini molayas sa ilang balay.

Human kini mobiya sa ilang balay, wa na sila magkita pa.

Mga alas 4 sa hapon, matod niya, sa Mayo 1, 2001, didto siya sa usa ka balay nitabang sa pagpabarog sa usa ka tulda sa namatyan. Kauban niya ang iyang grupo. Mga alas 10 sa gabii, nitambong siya usa ka miting de avance diin siya gidakop sa mga pulis.

Mao sab ni ang gisulti sa iyang saksi nga si Fred. Matod sab sa inahan ni Ramon, ang iyang anak nananghid kaniya magpraktis og sayaw mao nga nahibung siya nganong giakusahan kining nanglugos ug gidakop sa mga pulis.

Kinsay katuohan, si Cindy nga way saksi o ang akusado nga dunay mga saksi? Sad-an ba si Ramon o di, kana kon ikaw ang pahukmon? Labina kay wa makakita si Cindy kinsa gyud ang nilugos kaniya kay nawad-an siyag panimuot.

Hukom sa kasong pagpatay

Gikombikto ang akusado sa kasong murder, di homicide. Kini tungod sa mga ebedensya.

Napamatud-an nga siya nakigpinusilay base sa mga bala nga nakuha sa crime scene.

Namatud-an sab nga dunay elementong treachery tungod kay dihang gipusil niya ang police official, nagtago siya sa screen sa pultahan diin di siya makita.