Konsehal sa Talisay gitulis

Tuesday, February 9, 2010

KONSEHAL sa dakbayan sa Talisay kauban sa duha niya ka mga Sangguniang Kabataan (SK) councilor ang gipangtulis alas 9:40 niadtong Domingo sa gabii didto sa barangay Cansojong.

Ang mga biktima giila ni SP01 Oliver Dacua, desk officer sa Talisay City police station nga sila si SK federation president Konsehal April Marie Cabigas, 19, ug ang duha niya ka mga kauban nga sila si Christine Carla Agripo,18 ug Cheska Inah Mendoza,17, pulos mga lumolupyo sa barangay Cansojong.

Have something to report? Tell us in text, photos or videos.

Click here for stories and updates on the Sinulog 2010 Festival.

Matod ni SP01 Dacua nga ang mga biktima sakay sa service tricycle patrol sa barangay nga gimaneho sa tanod nga si Felix Latoja aron manaod og poster didto sa sityo Kimba, Cansojong dihang nahitabo ang tulis.

Tulo ka wa hiilhing mga lalake nga nagpanuigon og 30 ngadto sa 40 anyos ang nibabag sa ilang dan sakay sa motorsiklo nga Honda TMX color black ug way plate number.

Ang duha ka backrider ang nition sa dala nilang wa matino nga armas ngadto sa mga biktima ug nideklarar og tulis.

Nakuha gikan kang Cabigas, Agripo ug Mendoza ang ilang mga cellular phone ug mga relo de pulso nga gibanabana ang tanan nga moabot og kapin sa P30,000.

Matod ni SP01 Dacua nga wa gyud makalihok ang tanod nga nagmaneho sa tricycle patrol tungod kay armado man ang mga tulisan. (VLM)