SI Cebu City Councilor Edgardo Labella namahayag kagahapon nga ang city council way gahom pagdisiplina sa ilang kaubang konsehal nga nahungihong nga dunay relasyon tali sa usa ka kawani sa City Hall.

Namahayag siya niini human mokatap ang mga estorya nga dunay konsehal sa siyudad nga gilabay og balde sa iyang asawa, kinsa usa sab ka kawani sa City Hall, human niya masakpi sa boarding house sa babaye.

For updates from around the country, follow Sun.Star on Twitter

Gisusi sa Sun.Star Cebu ang barangay diin magpuyo ang konsehal ug ang barangay nga gipuy-an sa babaye, apan way impormasyon nga na-record kalabot sa insidente.

Matod ni Labella nga kon kining butanga itugyan sa iyang komitiba, sumala sa giingon ni Acting Mayor Mike Rama, di sila makasusi niini.

Si Labella mao ang nangu sa city council committee on laws, ordinances, public accountability and good government.

Siya niingon nga kay ang isyu naglambigit sa pinili nga opisyal usa ka highly urbanized city, bugtong ang Office of the President, ug pinaagi sa extension sa Office of the Ombudsman, ang makasusi.

“The city council does not have administrative disciplinary authority when it comes to administrative infractions…. In the event that there is a complainant, we will just refer it to the right agency,” nagkanayon si Labella.

“The city council does not have administrative authority over infractions other than those committed during the session. For example, continuous absences, use of violent or foul language…,”siya nidugang. (RHM sa Sun.Star Cebu)