Lacson mouli sa nasod

Monday, February 8, 2010

ANG gipangita karon sa balaod nga si Sen. Panfilo “Ping” Lacson hayan mobalik na sa Pilipinas human sa usa ka buwan niyang pagbiya.

Si Lacson namahayag sa sayo pa nga di siya magpadakop nunot sa kaso nga iyang giatubang.

Have something to report? Tell us in text, photos or videos.

Click here for stories and updates on the Sinulog 2010 Festival.

Si National Bureau of Investigation (NBI) Director Nestor Mantaring nitug-an kagahapon nga ang ilang buhatan nakadawat og intelligence report kon asa karon nagtago si Lacson.

Gisusi sa NBI ang taho nga si Lacson nahibalik na sa nasod apan nagtago sa Mindanao.

Ang senador di makaadto sa Estados Unidos o kaha sa Australia.

Gikanselar nang visa ni Lacson human siya gilambigit sa “espionage case” niadtong 2007 sa iyang kanhi sakop sa kapulisan nga si Senior Supt. Michael Ray Aquino.

Di na usab balido ang iyang visa sa Australia. Katapusan siyang gihatagan niini niadto pang 2008.

Si Lacson nibiya sa nasod alang sa Hong Kong niadtong Enero 5, duha ka adlaw sa wa pa ang mga piskal nisang-at sa kasong murder batok sa senador tungod sa giingong iyang kalambigitan sa pagpapatay sa publicist nga si Salvador “Bubby” Dacer ug iyang drayber nga si Emmanuel Corbito niadtong Nobyembre 2000.

Gitinguha karon sa NBI nga ang ngalan ni Lacson malakip sa gitawag nga Red Notice sa International Criminal Police Organization (Interpol).Ang Red Notice usa sa pito ka mga klase sa notices sa Interpol.

Nitumbok ang Interpol nga ang Red Notices “allow the warrant to be circulated worldwide with the request that the wanted person be arrested with a view to extradition.”

Kadtong mga tawo nga gibutang sa Red Notice nagpasabot nga wanted sila sa national jurisdictions o kaha sa International Criminal Tribunals, matod sa Interpol.