GILUPIG ni World Boxing Organization (WBO) Intercon champion Ramie Laput sa Digos City si Anthony Eric Macas sa Lanao del Sur pinaagi sa unanimous decision sa main event sa miaging gabii sa pagsugod sa “Friday Nights Live” boxing series sa Cebu Coliseum.

Pagsugod pa lang, kontrolado gyud ni Laput ang away ug mas tin-aw gyud ang pagsulod sa iyang mga kumo.

Ang tulo judges mitali og 97-93, 97-93, ug 99-91, tanan pabor kang Laput.

"The Manny Pacquiao Blog". Click here for stories and updates on the Filipino boxing champ.

Nilampos sab pinaagi sa unanimous decision ang stablemate ni Laput nga si Fernando Lumacad batok kang Niño Suelo sa Manila.

Ang judges nipadaog kang Lumacad, 96-94, 96-94, ug 98-92.

Si Australia-based Ariel Barotillo midaog batok kang Joy Pol pinaagi sa 2nd round TKO.

Sunodsunod nga kumbinasyon ang gibuhian ni Barotillo aron paundangon si Pol sa ika 2:12 sa round.

Sa laing mga away, ningdaog sab sila si Jose Ocampo batok Jomar Labiogo (3 TKO), Edward Penerio batok Rey Canete (2 TKO), Ivan Soriano batok Ronell Sosan (2 TKO), Anthony “Zorro” Sabalde batok Bernard Salisinas (4 TKO) ug Jerwin Ancajas batok Jayme Papa (MD).

Si Sammy ‘Don King” Gelloani mipasiugda ning maong promosyon sa tinguhang makakaplag og bag-ong kampiyon sama ni Marvin Sonzona.