Lonzon: Broadcasters’ Month

Tuesday, September 7, 2010

NAKAMATA ko’g sayo sa buntag niadtong Sabado sa tuyo aron makaapil sa parada sa opening sa Broadcasters’ Month. Sama kanako wa gyuy nauwahi kay opisyal nga nagsugod ang parade mga alas 9:00 na sa buntag ug di alas 7:00.

Sori nalang niadtong wa makatambong kay na-miss nila ang kaalegre sa opening day. Gawas sa mga parlor games gipahigayon ang friendly basketball tournament nga nagrepresentar sa tagsatagsa niini ka mga media outlet.

Have something to report? Tell us in text, photos or videos.

Updates on President Benigno Aquino III's presidency

Nipakita sab didto sa ilang abilidad ang mga maanyag ug makabibihag nga mga cheerdancers sa University of Visayas , University of Cebu ug Cebu Easthern College ( CEC ).Sa ilang nakita miingon ang akong mga kauban maayo nalang kay dunay bitamina sa mata. Hehehe!

Kining tanan bunga sa kakugi ug paningkamot sa mga kadagkoan sa KBP aron sab mahimong malampusan ang kalihukan. Salamat sab sa mga kadagkoan sa CEC tungod sa pagpagamit sa ilang sports center.

Samtang nakahan-ay pa ang uban pang mga kalihukan sa mga nagkadaiyang venue sud niining buwana. Sama sa pagpahigayon sa Broadcasters Congress niadtong adlawng Dominggo nga gitambungan sa mga magsisibya, pulitiko, prebado ug naa sa gobyerno.

Ang kalihukan sa Kapisan ng mga Broadkasters sa Pilipinas ( KBP ) pagasundan sab pagbukas sa Press Freedom Week pinaagi sa usa ka bongga nga parada nga pagatambungan sa mga reporter, columnist, editor ug mga trabahante sa print media.

MABUHI ANG MEDIA SA SUGBO!

Para nako di nalang unta iapil ni Bise Gobernador Greg Sanchez Jr. ang mga sakop sa media sa iyang kasuko ni Gobernador Gwen Garcia. Ka maayo nalang niana nga gihatagan og libreng paniudto ang mga capitol beat reporters.

Ang pagpakaon gitanyag ug wa pangayoa ug di man tingale na usa ka matang sa paggawong sa reporters. Ang trabaho sa reporters mao lang ang pagkuha ug balita ug di makakomentaryo sa ilang gibalita kay di man sila komentarista o kolumnista.

Gawas niini naa silay news director nga maoy mosangon sa pagfollow-up sa mga isyu diha sa Kapitolyo. Unsay pagtuo ni Sanchez sa reporters mabayloan lang ug libreng paniudto ang ilang trabaho ug prinsipyo?

Kita manghinaot nga niining kasuko ni Sanchez ngadto ni Garcia di lang unta iapil ang way labot sa ilang away. Klaro man gyud kaayo nga nasuko ang besi gobernador ngadto sa gobernador kay matud pa giapeke pag-ayo ang iyang opisina.

WA MATAGAD NI JONAS

Pobre man ta sama sa mga tricycle drayber sa siyudad sa Mandaue, apan di man sab tingale maayo nga di nalang badlungon ni Mayor Jonas Cortes kining mga tawhana nga nakatampo ug dako sa problema sa trapiko.

Abi baya nato sa kasamtangang gobyerno ni Jonas makahimo kini og dakong kausaban sama sa pagsulbad sa problema sa traffic.

Kay sa kaniadto nagsigi silag saway sa ilang gipulihan nga haguka sa ilang pangagamhanan apan pareho raman diay.

Mao ni nakapait sa pulitiko nga magsigi lag pamulitika kay dina makaatiman bisan sa gagmayng reklamo kay hadlok makontrahan.

Karon ang mga pulis sa Mandaue ilang gipatabang sa pagsulbad sa problema sa trapiko.

(efren_lonzon@yahoo.com Text 09084171222)