NATAPOS na niadtong Octobre 31, ang deadline sa pagpang-rehestro alang sa mga bag-ong botante.Subo lang palandungon kay dunay daghan ang wapa makapare-histro tungod sa kaapeke sa panahon.

Kon magpa-ugat ang Comelec pinaagi sa di pag-hatag ug lugway ang mahitabo daghan ang mahikawan sa ilang katungod sa pagbuto alang karong 2010, presi-dential election.

Di paman tingale apeke ang panahon alang sa pagpangandam sa Comelec aron sa paggamit sa bag-ong makinarya pinaagi sa automation election. Og di sila angayang magtinapulan kay ila kining tulubagon sa mga botatante.

Sun.Star accepts donations for victims of Typhoon Ondoy

LITCOM ANGAY LIKTAN

Nindot pa kaayo ang akong biyahi gikan sa Siyudad sa Sugbo agi sa Mandaue City ug patighog sa lungsod sa Consolacion niadtong Sabado sa hapon Oct.30, paingon sa yuta kung natawhan ang dakbayan sa Danao.

Wa ko mag-inusarang nagbagolgol human mabara ang gimanihong sakyanan tungod sa grabing traffic sa pag-abot nako sa lungsod sa Liloan. Kon wa ko masayop mga usa ka kilometro ang gitas-an sa mga naglinyang sakyanan.

Kon wapa magbinugo ang hepe sa Liloan Traffic Command ( LITCOM ), di unta sila magka problema sa traffic sama sa ubang mga lungsod nga akong naagian nga hapsay ang dagan sa mga sakyanan.

Ang hinungdan sa traffic kay gitugutan ang mga motorista sa mga prebadong sakyanan nga makaparking daplin sa karsada.Wa gyud sila maleksyon nga kini gihapon ang problema sa miaging tuig.

Nagbinugo!Main road ug two lanes lang ang karsada. Ang tanang mga sakyanan gikan sa siyudad sa Sugbo paingon ug gikan sa norte moagi intawon sa Liloan. Gawas niini mibutang unta silag alternatibong karsada.

TRABAHO SA KINTO DISTRITO

Sa pagtibangay anaa ang kalampusan. Kini sama sa nahitabo sa usa ka programa ni Kong. Red Durano “Trabaho sa Kinto Distrito” nga giabagan sa mga nagkadaiyang ahensya sa kagamhanan.

Wa magdahom ang batan-ong Durano sa gidaghanon sa mga tawo ang nipahimulos sa maong programa.Tiaw moy gibahan sa mga aplikante ang Danao City Sports Center ug ang uban kanila na-hired on the spot.

Tungod niini gipasalamatan ni Red ang mga lungsod sa ika-limang distrito nga niabag sa nahisgutang programa lakip na ang Department of Labor and Employment ( DOLE ), Philippine Overseas Employment Administration( POEA) ug Cebu Association of PESO Managers.(CAPESOM).

Kini usa ka maayong buhat nga angayan natong daygon.

(Email;efren_lonzon@yahoo.com)