MORAG ngitngit pa sa al-kitran ang tinguha sa pulitika ni kanhi Compostela Mayor Gilbert Wagas, alang sa pagka kongresista sa ika-limang distrito karong 2010. Tua naman kini sa New Bilibid Prison sa Muntinlupa human gidakop sa mga ahente sa National Bureau of Investigation ( NBI ) tungod sa kasong malversation public funds.

Sa yano nakong pagtan-aw, masakrpisyo sab ang sobleng pagpapili sa katungdanan ni Mayor Wagas niining pagkapriso sa iyang igsoon. Di malalis ang kaugmaon sa pulititia ni Retchie nagsandig ni Gilbert.

Sun.Star accepts donations for victims of Typhoon Ondoy

Napili kini sa pagka mayor niadtong 2007 nga piliay tungod sa mga pamaagi ni Gilbert nga maoy nakapapildi sa ilang kaatbang nga si Mayor Danggoy. Karon unsaon pagbarog sa mayor aron magpabilin sa katungdanan nga toa naman sa prisuhan ang iyang igsoon? Para nako morag sayon nalang unya sa ilang kaatbang ang pag-ilog sa lingkoran sa mayor. Dunay kasayuran nga akong nakuha,ang batan-on ug negosyanteng si Besi Mayor Joel Quino ang moatbang ni Wagas.

Luoy sab intawon si Gilbert kay gitawag karon sa uban niyang mga higala ug kontra sa pulitika nga natuman na ang pangandoy nga mahimong kongresista. Ang buot nilang ipasabot kongresista diay kuno sa prisuhan sa Muntinlupa nga maoy iya karong nahimutangan.

TULIS UG GIPATAY

Angayan lang paspasan sa kapulisan ang pag-gukod sa mga dautang elemento sa katilingban nga padayong nanghasi sa katawhan. Kay bisan ug naa ka sud sa panimalay di pa nato masiguro ang kaluwasan sa kinabuhi.

Dunay kaso sa tulis nga sa sud mismo sa panimalay ang nahitabo ug gipatay pa ang tagbalay.Ning bag-o lang gitulis ug namatay human gipusil ang negosyante si Gina Ponsica, asawa ni Luisito ang kanhi bise mayor sa lungsod sa Barili diha sa gawas sa ilang panimalay.

Ang ako lang gustong mahitabo atong ibalik ang pagpabaha sa kapulisan sa kadalanan ug unya mopahigayon sa pagpatrolya ug mga checkpoints. Sa atong nahibaw-an ang mga tulisan nagroving kay nangita kun si kinsay ilang biktimahon samtang ang atong mga awtoridad usahay naa ug usahay wa gyud.

Gawas niini maayo tingaleg paspasan sab sa kapulisan ang pagserve sa warrant of arrest sa mga criminal. Nahibawo naman ta nga nailhana na kini sa kapulisan. Kaila man gani sila kun si kinsay mga pulis nga ilang kauban nga protector sa mga dautan.

OUANO MODAGAN?

Di palang dugay nabalita nga mahimong makadagan si kanhi mayor Teddy Ouano, usa sa mga nalambigit sa kontrobersya sa lamp post.

Ang akong kasayuran nagbutyag mahimong modagan sa pagka kongresista sa ika-unom nga distrito o mayor sa Mandaue. Kon mag-mayor mosamot ka alegre kay magpapili man sab si kongresswoman Nerissa Soon Ruiz.

(efren_lonzon@yahoo.com 09084171222)