Lonzon: Morag impyerno

Tuesday, March 9, 2010

DUHA pa lang ka semana human sa pagsud sa buwan sa Marso,ang giila sa fire department nga fire prevention month gisugat gilayon og lapad nga sunog ang Sugbo.

Daghan na sa mga balay ang naugdaw tungod ba kaha sa pagpasagad sa mga hingtungdan. Ang nakapait kay niduyog sab ang grabing kainit sa panahon tungod sa pag-igo sa El Nino.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Ang kainit raba sa adlaw makapaso ug mora man og nagpraktis ta sa kainit sa impyerno. Duna gyuy mga pananom ang nangasunog tungod sa kainit dungan sa pagpangliki sa yuta ug paghubas sa tubig.

Di lang ang pagbantay sa sunog lakip na ang kainit sa adlaw nga morag makapatay sa tawo. Moinom tag daghang tubig ug di magpainit aron paglikay sa sakit ug atake.

AREGLO NI SOC

Para nako mas maayo pa nga adto sud sa drug rehabilitation center o man kaha sa bilanggoan si Joavan Fernandez, anak ni Talisay City Mayor Socrates Fernandez. Di man gud matag-an ang ang pag-abot sa panahon nga madisgrasya unya ang pinangga sa badlungong anak sa mayor.

Daghan nang nasuko ug naglagot sa binuhatan ni Joavan nga tabuntabunan sa iyang amahan.Karon lang gani dina interesado ang mga pump boy sa usa ka gas station sa siyudad sa Talisay,nga giharas ni Joavan.

Mas luwas pa si Joavan ug di pa gyud makahimo og kadaot kon atoa na kini sa prisohan o man kaha sa sentro aron siya marehab. Huna hunaa nig maayo mayor samtang di pa uwahi ang tanan.

KINARAANG SERBISYO PUBLIKO

Naglinya karon ang mga proyekto nga ipabaha sa mga incumbent public official. Kini aron gamiton nga hinagiban sa pamulitika aron sublian sa katungdanan nga ilang karong gihuptan..

Kon di mahuman ang proyekto kay maabtan sa political ban, mohimo silag saad sa pagpadayon kon sobleng pilion inig abot sa adlaw sa piniliay. Mao ni ang kinaraang pamaagi sa serbisyo publiko sa mga tradisyonal nga mga politiko.

Para nako, atong sagupon ang bag-ong pamaagi. Inig lingkod sa katungdanan kay gipili nga gobernador, mayor o kongressman dihadiha ang pagpatuman sa mga proyekto ug wana kinahanglana ang pagpaabot sa nagkadauol nga election.

Daghan kanila sa mga pulitiko ang nisagop aning pamaagi. Usa na niini ang kagamhanan sa siyudad sa Sugbo. Giangkon man gani sa mayor nga maoy kandidato alang sa pagka kongresista nga pamolitika ang mga proyekto nga gipatuman karong panahuna. Pait!

Nag-unsa man diay sila sud sa pipila ka mga tuig, nagpasinaw sa ilang lingkoranan? Di lang guba nga mga karsada ang wa maatiman lakip ang kapakyas sa paghatag og igong supply sa tubig ngadto sa kabukiran, pagpasuga ug uban pa.

Kaluoy namong mga kabus, mahinumdoman lang kun may piniliay. Kay nagtuo man lagi ang mga tang-ang politiko nga masud lang gihapon sa bulsa ang mga botante bisan og wa silay agi.

(efren_lonzon@yahoo.com Text 09084171222)