Mag-Ensayo ka'g sakto

Monday, September 6, 2010

SA tinguha ni pound-for-pound champion Manny Pacquiao nga monindot og maayo ang sunod niyang away, iyang gisugyotan ang iyang kontra nga si Mexican Antonio Margarito nga mag-ensayo og maayo.

Mao kini ang gipabuhagay ni Pacquiao sa interbyu sa www.abs-cbnnews.com sa iyang pagbalik sa nasod gikan sa sunodsunod nga mga press conference nga iyang gitambungan sa Amerika.

Have something to report? Tell us in text, photos or videos.

Updates on President Benigno Aquino III's presidency

Gipasabot ni Pacquiao nga dili kini usa ka bahad o pahimangno, gusto lang gyud niyang preparado sab kaayo si Margarito aron monindot gyud ang ilang away nga maghatag og katagbawan sa mga tumatan-aw.

Ang sangka nila ni Pacquiao ug Margarito gikatakda karong Nobiyembre 13 sa Dallas Cowboys Stadium.

Kahinumdoman nga sa labing ulahing away ni Pacquiao, wala siya matagbaw kay sayod siyang wala malingaw ang mga tawo kay wala man gyud misukol kaniya si Joshua Clottey, kinsa nagsige ra gyud og depensa.

“Sabi ko ‘mag-training ka nang mabuti,” matod ni Pacquiao. “Kailangan magandang performance ang maibigay natin sa tao.”

Nagkanayon ang bag-ong kongresista sa Sarangani Province nga karong semanaha, magpakunsiyon na siya’g sugod pinaagi sa pag-jogging.

“This week, mag-start na tayo mag-training. Jogging muna, pa-kundisyon,” batbat sa Pambansang Kamao sa Pilipinas.

“Tapos ‘yung gym siguro next week na mag-start. But now pa jogging-jogging muna, pa-condition muna kasi malayo pa ‘yung fight. Dalawang buwan pa so may time pa.”

Sa iyang pagpakigbatok kang Margarito, tinguha ni Pacquiao nga palawman pa ang iyang tipik sa kasaysayan pinaagi sa pagsakmit sa bakanteng World Boxing Council (WBC) super welterweight title, nga mao unya ang iyang ikawalong world title sa managlahing weight divisions.