CONSOLACION Mayor Avelino Gungob gireklamo sa usa ka barangay kapitan sa iyang lungsod nga matod pa nanghulga kaniya.

Apan ang mayor nagpa-blotter usab batok sa barangay kapitan.

Sun.Star accepts donations for victims of Typhoon Ondoy

Ilang giawayan may kalabotan gihapon sa giingong illegal quarry.

Si Kapitan Dennis Balaba sa barangay Panoypoy nibutyag nga niadtong Miyerkules sa miaging semana  pasado alas 4:00 sa hapon niadto ang mayor sa ilang barangay.

Nasuko kini nganong gipugngan sa opisyal ang quarry operation.

Sa dihang nangatarungan ang kapitan nga aduna kini mando gikan sa Dept. of Environment and Natural Resources (DENR) nasuko ang mayor, nitulisok sa kapitan ug niakosar nga way respitar kaniya isip mayor.

“Wala kay respitar nako. Mayor ko. Wala kay batasan,” giingong sulti sa mayor ngadto kang Balaba.

Apan sa dihang nitubag si Kapitan Balaba nasuko ang mayor.  

Nisuway pa unta sa pagsukmag apan maayo na lang nga nagpatunga ang pangulo sa Consolacion Traffic Commission nga si Antonio Guttierez dungan sa paghulga nga ikiha ang kapitan.

Giingong nidugang ang mayor sa pagsulti nga “Magmahay ra ka, gabaan ka nako,” matod sa mayor

Apan si Gungob nagpa-blotter usab ngadto sa Police Station ug niakosar sa barangay kapitan nga way respitar kaniya.Gipasabot ni Gungob nga igo lang siyang niadto sa dapit aron pag-monitor sa nagpadayong quarry..Apan niabot si Balaba ug nimando nga ipahunong ang quarry base sa mando sa DENR. (DRT)