Mga armado nakit-an sa norte

Monday, March 22, 2010

MGA armadong tulisan gikan sa laing lugar nasigpatan nga anaa karon motago sa midnorth area sa Sugbo.

Ang mga police station sa kalungsoran sa 5th district sa lalawigan nga anaa sa midnorth area gialerto.

Have something to report? Tell us in text, photos or videos.

Si Senior Superintendent Erson Digal, acting provincial police director, niingon nga sa milabay nga semana pa sila nakadawat sa taho.

Click here for Election 2010 updates

Ang mga tulisan naglaraw nga molusad og pagpanulis sa mga bangko ug mga edipisyo sa habagatang bahin sa lalawigan sa Sugbo.

Tungod niining report, gipakatap karon sa maong dapit ang mga sakop sa Special Reaction Unit (SRU) aron motabang sa mga police station sa maong dapit.

Matod ni Digal nga mao kini ang target sa mga tulisan kay maglisod na sila sa pagpahigayon og tulis sa sentro sa siyudad tungod sa hugot nga pagbantay sa kapulisan sa siyudad.

Gialerto na usab sa kapulisan ang mga barangay intelligence network (BIN) sa habagatang bahin sa Sugbo lakip na ang mga barangay tanod aron maniid sa kadudahang lihok sa mga tawo nga maabot sa ilang mga dapit.

Samtang gipaalerto na usab sa kapulisan sa midnorth ang mga barangay tanod ug barangay intelligence network aron maoy maniid sa ilang mga barangay kon ilang masigpatan ang gidudahang mga tulisan nga moabut sa ilang dapit.

“Kanang nasigpatan sila sa midnorth area, ilang pahuwayanan lang. Unsa may matulis nila sa midnorth area? Kasagaran sa adunay bangko naa sa south,” matod ni Digal.Sa sayo pa, si Police Regional Director Lani-o Nerez nikompirmar nga nakadawat siya og taho nga anaa magtago sa midnorth ang grupo tulisan nga posibling manulis sa Sugbo. (JFT)