MGA barangay kapitan sa dakbayan sa Mandaue moawhag kang Presidente Gloria Macapagal-Arroyo, ingon man sa Kongreso, nga himuong lone congressional district ang dakbayan, pinaagi sa gipirmahan niining manifesto.

Human makapirma usab si Mayor Jonas Cortes ug laing duha ka mga city councilor, ang maong dokumento iduso gilayon sa hingtungdang opisyal nga moatiman niini.

For updates from around the country, follow Sun.Star on Twitter

Gihulagway sa mga kapitan nga pagtraydor ang gihimo ni Kongresista Nerissa Soon-Ruiz 6TH District sanglit giuna pag-atiman ang dakbayan sa Lapu-Lapu, inay ang dakbayan sa Mandaue.

Gipaabot nga mamahimo na unyang legilative district ang Lapu-Lapu pinaagi sa gipalabang nga bill ni Ruiz.

Apan subli nang gipasabot sa kampo ni Ruiz nga kini gumikan sa unique charter sa Lapu-Lapu human kini nahimong highly urbanized city itandi sa Mandaue.

Ang manifesto gipirmahan sa 23 sa 27 ka mga barangay kapitan sa Mandaue city.

Samtang sila si Konsehal Jimmy Lumapas ug Diosdado Suico dungan ni Cortes mopirma usab sa manifesto. (FVQ)