Mga butalo nga pulis ipaubos sa proficiency test - Col. Digal

Wednesday, September 8, 2010

MGA butalo nga pulis sa Cebu Provincial Police Office (CPPO) ipaubos sa gun proficiency test aron makaigo sa ilang mga target sama sa pagtubag ug mga alarma batok nagkadaiyang sa krimin.

Kini amaoy gitinguha ni Sr. Supt. Erson Digal, director sa kapulisan sa lalawigan sa Sugbu, human sa nahitabong insedenti niadtong miaging gabii diin usa niya ka sakop nga si PO1 William Cordova, nadestino sa Oslob Police Station, nakigpinusilay’g sa mga tulisan sa dalan Manalili dakbayan sa Sugbu apan civilian ang naigo niini.

Have something to report? Tell us in text, photos or videos.

Updates on President Benigno Aquino III's presidency

Matod pa ni Digal, nga moduso siyag request ngadto kang Chief Supt. Ager Ontog Jr. hepe sa Police Regional Office (PRO-7) aron mahatagan silag suporta sa pagpamalit og bala sa kapulisan nga maoy gamiton sa pagpahigayog firing sa iyahang mga sakop.(Guam P. Logroño)

Gawas niini gitinguha ni Digal nga magbaton silag kaugalingong firing range sa headquarters sa CPPO aron anha nalang mag-practice og firing ang mga police.

Sagad sa iyahang mga police nga mag-firing ilaha nalang paningkamot ingon man pagpamalit og bala alang sa ilang pag-practice.

Subay niini si Digal, nanalipod kang PO1 Cordova, sanglit in-line of duty ang gihimo niini sa pagtubag sa alarma dihang nakasakay sa PUJ ug gitulis.

Nunut niini personal nga gibisita ni Digal, si PO1 Cordova, nga gi-kustudiya sa Homicide Section (CCPO) isip kabahin sa pagsuporta niini nga motaas ang moral sa iyahang mga sakop sa kapulisan sa probinsya.

Si Digal, nipaslig sa biktima nga si Alfredo Carsa, 40, nga ilang abagahon sa CPPO ang pagpa-opera niini sa walang siko diha sa Vicente Sotto Memorial Medical Center (VSMMC) diin ang bala nipilit sa bukog niini.

Gihulagway ni Digal, nga usa ka maayong police si Cordova isip sakop sa PNCO”S sa Oslob Police Station.