Mga diakono ordinahan ni Vidal karong buntag

ONSE ka mga diakono ang ordinahan karong buntag sa pagka-pari sa Cebu Metropolitan Cathedral ni Cebu Archbishop Ricardo J. Cardinal Vidal.

Ang ordinasyon mao say magsilbing closing ceremony sa usa ka tuig nga kasaulogan sa year for the priests.

Click here for Election 2010 updates

Ang onse ka mga diyakono mao sila si Rev. Nazario Caiban, Rev. Lyle Carungay, Rev. Chris Ian delos Santos, Rev. Randy Edano, Rev. Charles Louis Jayme, Rev. Domiciano La Rosa III, Rev. Jan Thomas Limchua, Rev. Philip Pepito, Rev. Simplicio Pugasan Jr., Rev. Edward Verame ug Rev. Abel Villarojo.

Gawas sa sacerdotal ordination, duna say himuong diaconal ordination kay lima usab ka mga seminarista ang ordinahan sa pagka-diyakono ug kini sila Ian Fel Balankig, Fiel Suico, Alvin Medina, Rhanmar Singuran ug Romeo Vitor.

Gihulagway nga makahuluganon ang ordinasyon kay natunong gyud kini sa pagtapos sa Year for the Priests dinhi sa simbahan sa Sugbo.

Ang Year for the Priests sa universal church tapuson karong Hunyo 11 didto sa Roma ni Pope Benedict XVI.

Subay sa pagtak-op sa usa ka tuig nga year for the priest, usa ka clergy recollection ang gipahigayon alang sa kaparian kagahapon. (CPL)