Mga pari mipaubos sa voter’s education
Sunday, March 21, 2010
More Sections
IPAUBOS karong adlawa sa voter’s education seminar ang tanang mga pari sa Sugbo.
Sa gipagawas nga memorandum circular ni Cebu Archbishop Ricardo Cardinal Vidal, iyang gimandoan ang tanang mga pari nga motambong sa seminar nga himuon tibuok hapon sa Betania Retreat House.
Have something to report? Tell us in text, photos or videos.
Mismong ang direktor sa Commission on Election, Atty. Rene Buac ang mopahigayon sa seminar ngadto sa kaparian.
Click here for Election 2010 updates
Sa kamandoan sa Cardinal iyang gipasabot nga daghan pa sa mga pari ang wa pay saktong kasayuran sa poll automation ug wa pa sab mahimamat ang precinct count optical scan (Pcos) machine.
Ang seminar gitumong aron masuhito ang mga pari sa paggamit sa Pcos machine.
Aron usab matubag ang daghang mga pangutana ug kahingawa mahitungod sa poll automation, kinahanglang makakuha og saktong kasayuran ang kaparian gikan mismo sa taga Comelec.
“The participants understandably had some doubts because of the newness of the technology and the prevailing atmosphere of distrust caused by past experiences of electoral fraud in our country’s political history,” tipik sa kamandoan sa Cardinal.
Isip mga pari, giawhag usab silang mopaambit sa ilang kasayuran ngadto sa ilang mga parokyano.
Usa sa mga papel sa kaparian atol sa eleksyon mao ang pagbantay alang sa limpyong piniliay, matod sa Cardinal.
Ang seminar inabagan sa Cebu Citizen’s Involvement and Maturation in People’s Empowerment and Liberation (C-cimpel). (CPL)
