Mga pulis nga misikop sa ‘pusher’ gibato sa mga tawo
Saturday, March 13, 2010
More Sections
GIUWAN og bato ang mga pulis sa dakbayan sa Mandaue nga nisikop sa big time drug pusher sa Brgy. Mabolo, dakbayan sa Sugbo, kagahapon sa kaadlawon. atol sa buy-bust operation.
Gihulagway nga nag people power ang mga silingan sa dinakpan nga si Romeo Blanco, alyas Tatay, 42, taga-Holy Name, Brgy. Mabolo, giila nga tigpayuhot og shabu sa dapit.
Have something to report? Tell us in text, photos or videos.
Sumala pa sa hepe sa City Anti Illegal Drugs Special Operations Task Group (CAIDSOTG) sa Mandaue City Police Office (MCPO) PInsp. Raymundo Rodriguez nibutyag nga ang mga silingan sa ilang dinakpan nibabag sa kapulisan, ilabi na nga maayo kini og relasyon sa iyang mga silingan.
"The Manny Pacquiao Blog". Click here for stories and updates on the Filipino boxing champ.
Nasayran sa kapulisan nga kon mahalinan og illegal nga drugas si Blanco, di kini magpanuko sa paghatag og hinabang sa iyang mga silingan. Nipasabot si Rodriquez nga ang unang transaction tali sa ilang poseur buyer ug ni Blanco gipahigayon sa sityo Sapa-Sapa, barangay Subangdaku, Mandaue City, kagahapon sa alas 3:20 sa kadlawon.
Apan gidala ni Blanco ang poseur buyer ngadto sa iyang balay aron sa pagkuha og dugang stocks.
Sa dihang positibo ang transaction, girumbo sa mga sakop sa City Anti-Illegal Drugs Special Operations Task Group (CAIDSOTG) ang balay sa subject hinungdan nakuhaan kini og lima ka mga bulto ug laing 30 ka mga pakete nga adunay sud sa gituohang shabu.
Ang matag bulto adunay gibug-aton nga singko gramos sa tag-P37,000 sa higayon nga ibaligya sa mga tiggamitan. Ang mga ebidensiya gisud sa itom nga pouch bag nga gipanag-iya ni Blanco. Lakip sa nadakpan mao ang duha ka mga alalay sa ilang subject nga sila si Jose Alesna ug Joshua Diores.
Nagduda si Rodriquez nga adunay surveillance camera ang balay ni Blanco, ilabi na nga dunay bantay ang duha ka mga andana nga balay niini ug di madali-dali sa pagsud. (FVQ)
