TUNGOD kay gikapoy sa paghuwat sa Cebu City Council nga mohimog lakang aron mapahigayon ang plebisito, ang United Banawa Englis Association Inc. (UNBEAI) nisulti kagahapon nga di na sila magsalig sa Siyudad ug saligan na lang nila ang House Bill (NB) 5234. Ang balaudnon nga gipangamahanan ni Kong.

Antonio Cuenco (Cebu city, south district) ang balaudnon nga “An Act Creating Barangay Banawa Englis in the City of Cebu,” magbuak sa Guadalupe ngadto sa duha ka mga barangay.

Gitakda kini alang sa plenary deliberation human sa House of Representatives committee on local government.

Si Antonio Dangcalan, UBEAI president, niingon nga ilang nakita nga ang city council di matinud-anon sa ilang tinguha sa pag-umol og bag-ong barangay.

“Di matinud-anon, mora lang mi’g gipasa-pasa….Diri na mi sa bag-o nga pamaagi,” matod niya sa mga reporters sa usa ka press conference nga gipatawag sa iyang grupo.

Si Dangcalan niingon nga di na sila makahuwat pa sa Siyudad nga mopatuman sa ordinansa, kay mas pabor na sila sa balaudnon ni Cuenco. (RHM sa Sun.Star Cebu)

(November 26, 2008 issue)
Write letter to the editor.Click here.