Mongaya: Dali nakabawi si Mike

Saturday, March 20, 2010

DAKONG surpresa ang headline sa usa ka mantalaan sa miaging semana nga nagtaho sa giingong si Bise Mayor Mike Rama andam makig-kumboya kang Gob. Gwen Garcia kon siya na ang mayor bisan pa man og sukwahi kini sa pagbuot ni Mayor Tomas Osmeña.

Tuod man, gibanghagan dayon ni Mayor Osmeña si Rama dihang giinterbyu kini sa mga tigbalita.

Have something to report? Tell us in text, photos or videos.

Matod pa ni Osmeña, si Rama ang hinungdan nganong nag-away ang Syudad sa Sugbo ug ang Probinsya sa Sugbo.

Click here for Election 2010 updates

Nakahinumdom man kitang tanan niadtong pagpasangil ni Rama kang Gob. Gwen Garcia nga “dawat og limpyo” sa dihang nagpadayon pa ang negusasyon tali sa City Hall ug Capitol kabahin sa mga lote sa lalawigan nga naubos sa 93-1.

Ang bise mayor maoy hinungdan nganong napagan hangtod karon ang paninguha sa mga lumolupyo sa maong mga lote nga makaangkon sa luna nga ilang gipuy-an sulod na sa pipila ka mga dekada.

Apan daling nakabawi dayon si Rama.

Niingon siya nga ang maong pamahayag “was taken out of context” ug nipasalig dayon nga iyang pakigbisogan ang mga interes sa urban poor.

ALVIN

Bisan pa man, nahimuot ang kampo sa oposisyon sa nahitabo ni Mike Rama.

Nibalibad man tuod si Rama ug Osmeña nga dunay siak sa Bando Osmeña-Pundok Kauswagan (BOPK) apan klaro nga nagkatinubagay sila atubangan sa publiko.

Ambot kon nadala ba ni Rama sa pagpikpik si Tomas sa iyang pag-ingon nga ang media maoy nasayop sa pagguwa sa maong istorya.

Si kanhi mayor Alvin Garcia mismo niingon nga maglisod si Rama sa pagsulbad sa problema sa urban poor labi na sa mga lumolupyo sa lote nga apil sa 93-1.

Ang hinungdan sa pagkalawgaw sa ilang kahimtang tungod sa iyang pag-insulto sa Kapitolyo matuohan bang makatangtang sa mga babag karon sa 93-1?

Mas gikinahanglan pa niini si Alvin Garcia kay isip ig-agaw ni Gob. Garcia, mas makaduol kini ngadto sa Kapitolyo ug paminawon.

Gawas pa, akong nahinumdoman nga usa sa mga programa dihang mayor pa si Alvin mao man kining mga low-cost housing nga maoy gikinahanglan sa urban poor.

KALAMBUAN

Makapahimuot ang pagdumdom ni kanhi mayor Garcia niadtong kontrobersya sa Miss Cebu 2009 dihang wa dayon makadesisyon si acting mayor Rama sa klarong maniobra sa Texters’ Choice.

Di man gani kuno makamao mosulbad niini, samot pa sa bangi tali ni Tomas ug Gwen.

Gawas sa mga urban poor, napagan sab ang kalambuan sa syudad tungod lang niadtong pag-ingon ni Rama nga “dawat limpyo” ang Kapitolyo.

Wa madayon ang proyekto sa lalawigan diha sa Banilad.

Nag-atubang sab og mga kiha ang South Reclamation Project (SRP).

Mao kon gusto man gani ang mga Sugboanon nga mobalik pagbwelo ang atong kalambuan, gikinahanglan nga magkabalik ang maayong kabubut-on sa syudad ug sa lalawigan. Siguradong di makahimo si Mike Rama niini.

BOPK

Sa pagkakaron, gipakita nilang Rama ug Osmeña nga way siak ang BOPK.

Aron mapadayon kini, labing maayo gyud kon masipyat man gani si Rama sa paglitok sa iyang tinuod nga baruganan sa mga isyo nga sukwahi kang Osmeña, mohilom lang unta ang mayor.

Total, si Rama man ang standard-bearer, di man si Osmeña.

Ayo nga mobalhin hinuon ang mga loyalist ni Rama diha sa south district ngadto kang Guardo.

Na, ma-shot sa taro gyud kini si Tomas.

Angayan sab gyud nga ipakita ni Rama nga duna siyay kaugalingong baruganan sa mga isyo ug di lang motago sa sidsid ni Tomas.

Lisod na man gyud nga magpakahilom sulod sa siyam ka tuig tungod lang kay gitinguha ang suporta ni Tomas.

Apan hunahunaa Mike, dali ra kaayo maka-saway kanimo atubangan sa publiko kini si Tomas.

Di ba kaha kini nga kumpyansa lang gyud si Tomas nga dumadaog siya bisan og mahimo silang mabanlas sa baha.

Aw, kuyaw gyud tuod nga mobalitok