DI dayon maka-impress si Susan Ople, ang anak ni anhing Blas Ople nga posibleng mahimong usa sa mga kandidato alang sa pagka senador.

Apan dihang nagsu-god na siya sa paghisgot sa iyang kawsa nga mao ang pagtabang sa mga Overseas Filipino Workers (OFW), daw nausab siya atubangan sa akong mga mata.

Sun.Star accepts donations for victims of Typhoon Ondoy

Molutaw ang iyang pasyon alang sa maong kawsa inabagan sa Blas Ople Policy Center.

Tungod sa iyang dedikasyon alang sa kaa-yuhan sa mga OFW, atong nakita nga mahimo nang representante kini si Ople sa mga nangabiktima og illegal recruitment, pa-nanglitan.

Nagkanayon si Ople, dihang siya gikahinabi sa mga sakop sa media kagahapon nga moabot og 500 ka mga Pinoy ang napriso karon sa lain-laing mga dapit sa kalibotan tungod sa kasong pagpayuhot og ilegal nga drugas.

Matod niya, tungod kini kay ang maong mga Pinoy nailad sa pagdala og mga baggage nga duna diay sulod nga gidiling drugas bugti sa pipila ka dolyar o tungod kay mao kiniy sugo sa ilang recruitment agency.

Kasagaran, nidugang siya, nga makasibat ang mga sakop sa drug syndicate ug ang masikop mao ra ang mga Pinoy nga igo ra usab nga gigamit.

Gani, dunay pipila niini mga mabdos kay gituohan sa mga sindikato nga mas makalusot sila sa seguridad sa mga airport.

Dugang pa ni Ople nga dako ang posibilidad nga naay taga Sugbo niini kay sa usa ka documented nga insidente, ang Pinoy nga nasikop gikan sa Mactan Cebu Interna-tional Airport.

Dayon, nagkanayon si Ople nga magbantay gyud sa mga recruiter o mga kaila nga Nigerian.

Usa sa mga biktima niingon nga ang ilang recruiter mga Nigerian nga di katuohang nangilad kay kuno mga relihiyuso kaayo.

Nagsigi lang kunog pangadye ang mga kagwang nga nagbase sa Malaysia.

Naabot ang Ople sa Sugbo kay giimbitar si nga mag-deliver og pakigpu-long sa usa ka seminar diha sa Syudad sa Naga.

Ang anak ni anhing Blas Ople niangkon nga giimbitar siya ni Sen. Chiz Escudero nga modagan alang sa pagka senador.

Sa akong pagpaminaw ni Susan Ople, nakaingon ko nga mahimo niyang buhion ang legacy sa iyang amahan nga nahimong usa ka labor minister kaniadto.

Nagtuo sab kini si Susan nga sakto ang gibuhat ni Chiz nga pagluwat gikan sa Nationalist People’s Coalition kay nagpakita kini nga independente gyud diay ang senador ug di magpagawong.