Anol Mongaya
Panahom

NIDEKLARAR na ka-gahapon si Sen. Mar Roxas nga modagan siya pagka bise presidente kuyog kang Sen. Benigno ‘Noynoy’ Aquino III.

Moguwa karon nga siya ang unang nagdekla-rar nga madagan alang sa maong katungdanan.

For updates from around the country, follow Sun.Star on Twitter

Ang ubang gipaabot nga mo-slide down wa man pa man mopormal sa pag-anunsyo.

Apan ang makapa-intriga kanato mao kining taho nga gitanyagan ni Sen. Manny VIllar si Willie Revillame nga modagan sab alang sa pagka bise presidente isip kandidato sa Nacionalista Party.

Atong masabot nga ang pagkuha kang Willie, nga maoy host sa labing sikat nga noontime show sa telebisyon gituyo aron mabangga sa kasikat karon ni Noynoy Aquino.

MAKATABANG

Apan ang pangutana, makatabang ba kang Villar ang usa ka sikat nga kandidato alang sa pagka bise presidente?

Sa miaging 1992, nidaog ang sikat nga Joseph Estrada alang sa pagka bise presidente apan ang iyang kandidato alang sa pagka presidente nga si Danding Cojuangco
wa makalusot.

Ang nidaog niadtong tungora mao si Fidel V. Ramos.

Sa piliay sa 1998, nidaog sab isip bise presidente mao si Gloria Macapagal-Arroyo ug si Erap na ang nahimong presidente.

Wa makalusot si Speaker Joe de Venecia.

Apan sa 2004, nidaog silang duha si Presidente Gloria Macapagal-Arroyo ug Bise Presidente Noli de Castro.

Sa 2010, kon madayon man si Willie nga makigparis kang Villar, makatabang kaha siya nga makapadaog sa iyang kandidato alang sa pagka presidente?

Transferable ba ang kasikat sa paris?

WAY TV

Gipaabot nga moa-nunsyo si Willie kaga-hapon dihang mabalik si gikan sa pagkasuspenso sa iyang noontime gameshow nga mao ang “Wowowee.”

Apan wa kini mahi-tabo.

Alang kanako, labing maayo gyud kon huna-hunaon pagtarong ni Willie ang maong pagkan-didato.

Pananglitan, ang kasikat ni Willie nagsalig sa iyang pagguwa sa telebisyon matag adlaw sa “Wowowee.”

Apan di ba angayan man siyang mopalayo sa maong programa kon magsugod na ang opisyal nga campaign period?

Kon di na makit-an si Willie sa telebisyon sulod sa pipila ka bulan, di ba kaha siya makalimtan na hinuon sa mga television viewer?

Hinuon, puro speku-lasyon lang gyud kining atua.

Wa kita makahibawo kon si kinsa pa ang mag-bise.

Sa pagkakaron, ang posibilidad mao sila si Sen. Loren Legarda nga giingong moparis kang Escudero kay pareho silang sakop sa Nationalist People’s Coalition (NPC).

Samtang si Sen. Kiko Pangilinan nga sa pipila ka bulan nga milabay nangampanya nga mahi-mong bise presidente nisuporta na karon sa Noynoy-Mar tandem.