Mongaya: Mike batok Alvin

Monday, March 15, 2010

KAY si Mayor Tomas Osmeña maoy magsigi og tingog alang sa Bando Osmeña-Pundok Kauswa-gan (BOPK) ug di ang standard-bearer nga si Bise Mayor Mike Rama, mura na hinuon og gisubli na sab ang sangka nilang kanhi mayor Alvin Garcia ug Tomas.

Moguwa nsa hinuon nga daw flower lang karong eleksyona ang kandidato alang sa pagka mayor sa BOPK.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Imbes si Rama unta ang magdala sa duwa diha sa mga mata sa publiko, nitago man hinuon siya sa ilang masakiton nga kampyon sa politika nga si Mayor Osmeña ngsa karon nidagan alang sa pagka kongresista sa second district sa Syudad sa Sugbo.

Ang ako lang punto nga ang nag-atbang karon mao sila si Mike Rama ug Alvin Garcia.

Ang dakong pangu tana kon si kinsa kanilang duha ang mas angayang molinkod isip mayor sa Syudad sa Sugbo sa sunod nga tulo ka tuig.

YAYA

Niining maong termi-no, di na makatutok si Tomas sa inadlaw nga pagdumala sa City Hall.

Mao nga gisiguro niya nga naa ang loyalista nga si Joy Augustus Young isip bise mayor sa BOPK ug si Margot, ang asawa sa mayor isip usa sa mga konsehal.

Matod pa ni kanhi senador John Osmeña sa miaging Disyembre 2009, si Margot ang yaya ni Mike.

Wa niya maapil nga motabang si Joy Young.

HADLOK?

Ngano man nga ingon man niini ang gikalaki ni Mayor Osmeña?

Wa diay siyay salig sa loyalty ni Mike?

O wa ba siyay salig nga makaya ni Mike ang maong trabaho nga mag mayor?

Pananglitan, wa ma-suweto kini si Mike sa pasikot-sikot sa South Reclamation Project (SRP). Di man sab mosalig si Tomas nga mahimong adviser ni Mike kabahin sa SRP si Joy Pesquera.

Kon ato sab nga mahinumdoman, si Mike maoy nagsugod nga nasuko ang mga opisyal sa Kapitolyo sa Syudad sa Sugbo nga niresulta sa grabi na kaayo nga away tali kang Tomas ug Gob. Gwen Garcia.

Ang ako lang gyud nga masulti niini nga lisod gyud nga makahilot kini si Mike Rama sa dakong panagbangi sa syudad ug lalawigan.

Apan lahi kon ang posibleng mahitabo kon si Alvin Garcia ang modaog isip mayor.

Siguradong makapa-hunong kini sa bangi ug mapadayon na nga way sami ang lain-laing mga proyektodinhi sa syudad.

Masulbad pa gani kining kahimtang karon sa mga beneficiary sa 93-1 nga nababoy na hinuon tungod sa maong away nga gisugdan ni Mike Rama.

Sa akong yanong pag-tan-aw, si Alvin lang ang makasulbad niini.