UNANG naila nako kini si Sammy Darza kani-adtong nag-cover pa ko sa City Hall sa unang termino ni Mayor Tomas Osmeña.

Siya ang hepe sa Citom ug atong nakita niadtong tungora nga nahapsay kaayo ang trapiko.

Sun.Star accepts donations for victims of Typhoon Ondoy

Wa pa man untay mga kompanya sa towing kani-adto apan makita nato kini si Darza nga ma-ngunay mismo sa pag-dumala sa trapiko diha sa kadalanan.

Hands-on si Darza ug nahimong simbolo sa hapsay nga dagan sa trapiko.

Kon wa ko masayop, atol sa iyang pagdu-mala ang pagbutang sa mga bag-ong sistema sa traffic lights sa Syudad sa Sugbo.

Niadtong panahona, suod kaayo kini si Darza ug Mayor Tomas Osmeña.

Apan paglabay sa 10 ka tuig, nagkabuwag kini sila.

Si Darza niuban sa kampo ni Mayor Alvin Garcia dihang nagbangga silang Tomas sa piliay sa 2001.

Gani, usa man siya sa kandidato pagka konsehal sa Kusug.

MAYOR

Karong bag-o, nitu-maw ang ngalan ni Darza isip kandidato alang sa pagka mayor.

Klarong wa maka-uyon si Darza sa maong sugyot nga gisawo ni Sen. Manny Villar.

Unang nadunggan nako kini sa mga hungi-hong ug sugsog sa iyang mga kauban atol sa press conference ni Villar sa miaging Sabado.

Nabawo sa paghang-yo kanako si Darza nga di hisgutan sa akong mga lindog kay di lagi siya modagan.

Apan ato kining gisu-lat karon kay gi-headline man sa usa ka mantalaan ug ang ilang tinubdan mao si Villar mismo.

Nakasabot dayon ko nga samtang wa pa mosugot kini si Darza sa plano sa kampo ni Villar, daghan sa iyang mga kauban ang nag-awhag kaniya nga modagan isip kandidato sa oposisyon.

Bitaw Sam.

DEMOLISYON

Wa madayon ang gi-takdang demolisyon sa moabot 120 ka mga balay sa sapa diha sa North Reclamation ug mga creek sa Syudad sa Sugbo.

Apan nabalita nga dayunon gyud kini kay si Mayor Osmeña di gusto nga mahitabo sab sa Sugbo ang nahitabo sa Manila.

Makabara sa dagan sa tubig kon kusog ang ulan kining mga balay mao nga kuyaw kaayo sa baha.

Mangutana lang ko kon kanus-a kaha kini ipakanaog sa mayor labi na nga mga botante ra ba ang maong mga residente.

Kinsa may di masuko nga gub-on ang balay bisan pag unsa ka maka-tarunganon ang maong lakang.

SAPA SA SEOUL

Sa ako lang, di gyud ko makalimot sa sapa sa tungatunga sa Seoul nga gihimong usa ka recre-ational park ug karon usa ka tourist attraction.

Daghan kaayo ang nagpasiyo sa maong sapa ug gani, manaog pa ang mga Koreano ug mga tursta sa tubig.

Gialirongan sab kini og daghang kan-anan.

Unsa kaha kon ingon niini ang buhaton sa Syudad sa Sugbo niining atong mga sapa.

Di lang unta demolis-yon ang buhaton. Sundan kini og klaro nga pro-yekto nga padayong pag-limpyo sa sapa aron mabuhi kini pagbalik ug di sama karon nga morag dako kaayong kanal.