Mongaya: Naniguro si Tomas?

Saturday, March 13, 2010

DAGHAN ang nahibulong nganong mingaw ang mga propaganda material alang kang Bise Mayor Mike Rama nga nidagan karon alang sa pagka mayor sa Syudad sa Sugbo.

Di man kuno ingon niini ang dagan sa kampanya kaniadtong si Mayor Tomas Osmeña pa ang kandidato sa BO-PK sa 2001, 2004, ug 2007.

Have something to report? Tell us in text, photos or videos.

Kon naay mga bakanteng puwesto, ang dawaton mao lang ang mga paryente sa mga lider sa south district.

"The Manny Pacquiao Blog". Click here for stories and updates on the Filipino boxing champ.

Mao nga daghan ang nagduda nga basin naniguro na lang si Mayor Osmeña sa iyang kaugalingong kandidatura ug sa iyang asawa nga si Margot.

Hinuon, duna man say morason nga basin nagpugong lang sab ang Bando Osmeña Pundok Kauswagan (BO-PK) kay wa pa magsugod ang campaign period.

Kining mga nangguwa karon mga kaugalingong paninguha lang ni.

Aw maayo unta alang sa kandidatura ni Rama.

Di unta tinuod ang mga hungihong nga sa ultima ora, idakdak siya.

Total, di man sab maka-afford si Osmeña nga biyaan ni Brgy. Capt. George Rama sa Basak-San Nicolas.

Bisan pa man, di mahimong mokumpyansa si Rama labi na nga ang igsuon ni Tomas nga si Georgia nagsigi sab og pagpangamang sa mga lider nga Osmeñista.

O posible lang sab gyud nga naniguro na si Tomas alang sa iyang kandidatura ug kang Margot.

Unsaon, nakapanu-kad man si Atan Guardo, ang kaatbang ni Mayor Osmeña alang sa pagka kongresista.

Sa pagkakaron, dunay mga survey nga nag-ingon nga statistical tie kini sila si Tomas ug Atan.

Dako gyud ang posibilidad nga naniguro na lang kini si Tomas ug pasagdan na lang nga mokayod og iyaha si Mike Rama.

HUYANG?

Tataw bisan sa iyang nga kauban sa BOPK nga huyang gyud nga kandidatura ni Rama kon itandi kaniadto dihang si Tomas pa ang standard-bearer.

Sa laing anggulo, di ba kaha sab kiniy resulta sa bugnaw nga suporta sa mga barangay kapitan diha sa North District kang Mike Rama?

Kahinumdoman, nipetisyon kini sila kang Mayor Osmeña nga unta lain na lang nga puwesto ang daganan ni Rama.

Kinsay makalimot sa nahitabo sa Miss Cebu sa miaging tuig?

Simple lang kaayo nga problema apan nilanat og pipila ka semana kay si Rama wa dayon makadesisyon.
Sa akong tan-aw, nahadlok intawon ang acting mayor niadtong tungora nga masuko kaniya ang suki sa senina ni Margot.

MA-MAYOR LANG

Nakahinumdom ko nga dunay supporter ni Rama nga niingon kanako nga importante karon mao nga mahimo siya nga mayor.

Kon siya na unya ang mayor, mag-unsa na man lang kini si Tomas nga di na man under niya si Rama? Makatugot ba sab kaha si Tomas nga mahitabo kini.

Matod pa ni kanhi Sonny Osmeña pipila ka bulan nga nilabay, si Margot maoy tawo ni Tomas diha sa Konseho nga mahimong yaya unya ni Mike Rama.

Ang ako lang karon nga, kon ugaling modaog man kini si Rama, di unta mahitabo pag-usab kadtong iyang paglawgaw sa relasyon tali nilang Gob. Gwen Garcia ug Tomas.

Kahinumdom mo sa isyo kabahin sa ‘dawat limpyo’?

Kon mao man gani, di na ko mahibulong nganong naniguro na lang si Tomas.