My City Games finals, Mayo 2 sa Coliseum
Thursday, April 29, 2010
More Sections
MAG-ABOT ang mga kampyon sa North ug kampiyon sa South District championship sa basketball event sa naghinapos nga My City Games Inter-Barangay karong Dominggo Mayo 2 sa Cebu Coliseum.
Ang labing gihulat nga mga duwa nga giulohan og “Battle of the Champions” sugdan sa alas 4 ang takna sa hapon hangtod alas 8 sa gabii.
Have something to report? Tell us in text, photos or videos.
Click here for Election 2010 updates
Ang nidominar sa north district sa 40 ang pangidaron pataas mao ang Brgy. Mabolo samtang sa 18 hangtod 39 category nanghawod ang mga taga Brgy. Lahug.
Ang Brgy. Basak San Nicolas kampyon sa duha ka kategorya ug sila ang makontra sa Brgy. Lahug ug Brgy. Mabolo. Samtang sa kabukirang bahin sa Sugbo, magkontra ang Brgy. Pulang Bato sa North District batok sa Brgy. Sudlon II sa South District sa 18 hangtod 39 ang pangidaron nga kategorya.
Makadawat og cash prize ug trophy ang mga makadaug sa maong mga dula. (Hanna Marionne M. Caunda UP Mass Comm Intern)
