Nadela: Baha sa facebook
Friday, July 30, 2010
More Sections
NASUM-OK ko gahapon sa Sitio Ibabao ug Sitio Upa sakop sa Barangay Pusok, Lapulapu City gumikan sa usa ka tawag nga nagpahibalo sa grabing baha nga nasinati sa mga molupyo.
Di ma-espiling ang kahimtang sa mga tawo ilabi na ang mga bata.
Have something to report? Tell us in text, photos or videos.
Dunay mga panimalay nga gilibutan sa tubig. Ang panimalay sa pamilyang Ngujo nasudlan na gyud sa tubig. Ang nakapait kay taliwala sa pagbunok sa ulan niadtong Huwebes sa hapon dunay usa ka bitin nga nasaag ug miapil pagsud sa ilang panimalay.
Kataw-anan apan sa akong pagbisita si Mrs. Sheryll Ngujo mitug-an nga wa na sila matug sa ilang balay tungod sa tubig nga napundo ug sa bitin nga posibling milukluk lang sa suok.
Updates on President Benigno Aquino III's presidency
Si Dina Tampus mao sab ang sugilanon. Di siya makatug pag-inatang kanus-a mobisita ang tubig nga dinala sa kusog nga ulan. Pila ba ka Dina ang way kinatulgan tungod sa problema sa baha.
ELEKSYON\
Matod sa mga molupyo nga si niaging kampanya sa eleksyon niadtong Mayo, pagka daghan sa mga pulitiko nga nibisita sa ilang dapit. Ang isyu sa baha ilang gisumbong ug sama sa naandan mga pasalig ilang nadunggan. Kay ting-init pa man sa panahon sa kampanya way nakitang suliran sa baha, apan sayod ang mga politiko nga wa magtumo-tumo ang mga molupyo kay ang uban kanila mga opisyal man sa Barangay man nga nagkuyogkuyog sa mga kandidato. Ang buot ipasabot nga sa nangaging eleksyon sa barangay ang mga opisyales mismo nakasinati sa pagpundo sa tubig.
Nahibawo kong unsa ka peligruso alang sa panglawas sa mga residente. Ang dengue nga makamatay, ang ihi sa ilaga nga makalipong, ang pangagud, nuka nga saw-on sa kabahung ug ubang sakit sa panit. Di nalang nato i-apil ang mga disgrasya mugna sa baha.
Nahibawo ko nga daghan ang na-ospital human mayandak sa dangog og tubigon nga dalan.
Hapit na sab hinuon ang eleksyon sa barangay, manghinaot ta nga di maglisod og pangampanya ang mga kandidato, sa tubigon og lapukon nga sitio.
Matod sa mga batan-on sa maong dapit nga ilang i-upload sa Facebook ang mapait nila nga kahimtang. Para nako dako ni nga tampo sa mga batan-on mugna sa ilang pagpakabana.
Ginamit ang internet mapaabot nila ngadto sa mga ahensya sa gobyerno, apil na siguro kang P-Noy, ang dakong suliran nga ilang gi-atubang.
Mao sab ni ang atong itambag sa uban ayaw mo pagduhaduha og upload sa internet sa mga ingon niini nga problema nga inyong masugatan sa inyohang dapit. Ipaambit sa inyong ka-chat ang suliran. Bisan kadtong tua sa layong kanasuran atong pahibaw-on nga
ang atong dapit gibahaan og wa tagda sa gobyerno pagpangita og sulbad.
